Raja Shivaji Day 6 Collection : 'राजा शिवाजी'ने रचला इतिहास, ६ दिवसांत केली इतकी कमाई!

रितेश देशमुखचा ऐतिहासिक सिनेमा 'राजा शिवाजी' बॉक्स ऑफिसवर जबरदस्त कामगिरी करतोय. सिनेमानं रिलीजच्या फक्त ६ दिवसांत ५० कोटी रुपयांचा नेट कलेक्शनचा टप्पा पार केला आहे. 

Image Credit : Instagram

सहाव्या दिवशीही 'राजा शिवाजी'चा दबदबा कायम

'राजा शिवाजी' सिनेमानं बॉक्स ऑफिसवर आपली मजबूत पकड कायम ठेवली आहे. ओपनिंग वीकेंडला दमदार कमाई केल्यानंतर, सिनेमा आता वीक डेजमध्येही चांगली कमाई करत आहे. प्रत्येक दिवशी कलेक्शनमध्ये थोडी घट झाली असली तरी, सिनेमानं सातत्यानं चांगले आकडे नोंदवले आहेत. विशेषतः मराठी व्हर्जनला प्रेक्षकांचा जबरदस्त प्रतिसाद मिळत असल्यानं सिनेमाची कमाई स्थिर राहिली आहे.

Image Credit : instagram

मराठी व्हर्जनमुळे सिनेमा बॉक्स ऑफिसवर टिकला

सिनेमाच्या हिंदी व्हर्जनची कमाई मर्यादित असली तरी, मराठीत 'राजा शिवाजी'ने कमाल केली आहे. कोईमोईच्या रिपोर्टनुसार, सहाव्या दिवशी सकाळच्या शोमध्ये सिनेमाची ऑक्युपन्सी सुमारे ११% होती. दुपारच्या शोमध्ये हा आकडा ३०% पर्यंत पोहोचला. तर संध्याकाळच्या शोमध्ये ऑक्युपन्सी ३७% पर्यंत गेल्याचं समजतंय. रात्रीच्या शोलाही प्रेक्षकांनी चांगली गर्दी केली होती.

Image Credit : X

६ दिवसांत 'राजा शिवाजी'ची ५० कोटी क्लबमध्ये एन्ट्री

सध्याच्या ट्रेंडनुसार, 'राजा शिवाजी'ने सहाव्या दिवशी अंदाजे ४.७ ते ४.८ कोटी रुपयांचं नेट कलेक्शन केलं. यामुळे सिनेमाचं एकूण भारतीय नेट कलेक्शन ५३.३ ते ५३.४ कोटी रुपयांपर्यंत पोहोचलं आहे. तर ग्रॉस कलेक्शनचा आकडा सुमारे ६२.८९ ते ६३.०१ कोटी रुपये झाला आहे. इतक्या वेगानं कमाई करणं हे कोणत्याही मराठी सिनेमासाठी मोठं यश मानलं जात आहे.

Image Credit : Youtube@JioStudios

रितेश देशमुखच्या 'राजा शिवाजी'ने रचला नवा इतिहास

'राजा शिवाजी' आता भारतात ५० कोटी नेट क्लबमध्ये पोहोचणारा चौथा मराठी सिनेमा ठरला आहे. याआधी 'सैराट', 'बाईपण भारी देवा' आणि 'वेड' या सिनेमांनी हा पराक्रम केला आहे. ऐतिहासिक विषयावरच्या या सिनेमाला प्रेक्षकांकडून सातत्यानं सकारात्मक प्रतिसाद मिळतोय. विशेषतः छत्रपती शिवाजी महाराजांची कथा आणि सिनेमाचं भव्य सादरीकरण लोकांना खूप आवडत आहे, ज्याचा थेट परिणाम बॉक्स ऑफिस कलेक्शनवर दिसतोय.

Image Credit : Youtube@JioStudios

७५ कोटींच्या बजेटसमोर खरी परीक्षा अजून बाकी

रिपोर्ट्सनुसार, 'राजा शिवाजी' सिनेमाचं बजेट जवळपास ७५ कोटी रुपये असल्याचं सांगितलं जातंय. त्यामुळे सिनेमानं ५० कोटींचा टप्पा ओलांडला असला तरी, पूर्णपणे सुरक्षित होण्यासाठी अजून कमाई करावी लागणार आहे. चांगली गोष्ट ही आहे की सध्या बॉक्स ऑफिसवर या सिनेमासमोर दुसरा कोणताही मोठा सिनेमा नाही. त्यामुळेच ट्रेड एक्सपर्ट्स येत्या काळातही सिनेमा चांगला व्यवसाय करेल अशी अपेक्षा व्यक्त करत आहेत.

Image Credit : Youtube@JioStudios

'राजा शिवाजी'चं दिवसानुसार बॉक्स ऑफिस कलेक्शन

सिनेमानं पहिल्या दिवशी १२.४ कोटी रुपयांची शानदार ओपनिंग केली होती. दुसऱ्या दिवशी सिनेमानं ११.५ कोटी रुपये कमावले, तर तिसऱ्या दिवशी कमाई १३.१ कोटी रुपयांपर्यंत वाढली. चौथ्या दिवशी सिनेमानं ६.२ कोटी आणि पाचव्या दिवशी ५.४ कोटी रुपयांचा व्यवसाय केला. आता सहाव्या दिवसाचे सुरुवातीचे आकडे ४.७ ते ४.८ कोटींच्या घरात असल्याचं सांगितलं जातंय. ही स्थिर कमाई सिनेमाच्या यशस्वी वाटचालीकडे इशारा करत आहे.