- Home
- Entertainment
- Priyanka Chopra : परदेशात राहूनही विसरली नाही भारतीय संस्कृती, लेकीचे पाय धुऊन केली कन्यापूजा
Priyanka Chopra : परदेशात राहूनही विसरली नाही भारतीय संस्कृती, लेकीचे पाय धुऊन केली कन्यापूजा
प्रियांका चोप्राने परदेशात राहूनही आपली भारतीय संस्कृती जपली आहे. तिने लॉस एंजेलिसमधील आपल्या घरी पती निक जोनास आणि लेक मालती मेरीसोबत महानवमी आणि दसरा मोठ्या उत्साहात साजरा केला.
प्रियांका चोप्रा
प्रियांका चोप्रा परदेशात राहत असली तरी ती भारतीय संस्कृती विसरलेली नाही. अमेरिकेत राहूनही आपले सण आणि परंपरा कशा जपायच्या, हे प्रियांकाकडून शिकायला हवे. नुकतेच तिने लॉस एंजेलिसमधील आपल्या घरी महानवमी आणि दसऱ्यानिमित्त विशेष पूजा केली.
प्रियांका चोप्राची लेक मालती मेरी
प्रियांकाने पती निक जोनास आणि लेक मालती मेरीसोबत संपूर्ण विधींनुसार महानवमी आणि दसरा साजरा केला. या पूजेदरम्यान प्रियांका आणि निक होमकुंडासमोर बसून पूजा करताना आणि लेकीचे पाय धुताना दिसले.
अभिनेत्रीच्या घरातील देव्हारा
प्रियांका चोप्राच्या घरातील देव्हाऱ्याने सर्वांचे लक्ष वेधून घेतले आहे. या देव्हाऱ्यात पांढऱ्या संगमरवरी दगडाची भगवान शिवाची मोठी मूर्ती आहे. या मूर्तीच्या मागे गुलाबी रंगाच्या बोगनवेल फुलांची सजावट केली आहे, ज्यामुळे देव्हाऱ्याला खूप सुंदर लूक मिळाला आहे.
भारतीय सण, परंपरा
देव्हाऱ्यातील शिवमूर्तीच्या आजूबाजूला सोनेरी रंगाच्या स्टँडवर मेणबत्त्या ठेवल्या आहेत. यासोबतच गणपतीची छोटी मूर्ती आणि पूजेचे इतर साहित्यही तिथे दिसत आहे. अमेरिकेत राहूनही प्रियांका आणि निक आपल्या घरी सर्व भारतीय सण आणि परंपरा पूर्ण विधींनुसार साजरे करतात.
महानवमीच्या दिवशी कन्यापूजन
महानवमीच्या पूजेतील सर्वात गोड क्षण म्हणजे प्रियांका आणि निकने त्यांची लेक मालतीचे पाय धुतले. निक एका चांदीच्या ताटात मालतीचे पाय धुताना दिसत आहे, तर प्रियांका तिच्या पाया पडत आहे. कन्यापूजेत लहान मुलींना देवीचे रूप मानून त्यांची पूजा करण्याची परंपरा आहे.
पारंपरिक पेहरावात मालती
या पूजेसाठी मालतीने पांढऱ्या रंगाचा सुंदर लेहेंगा-चोली घातला होता. तिच्या गळ्यात 'जय माता दी' लिहिलेली लाल रंगाची ओढणी दिसत आहे. कपाळावर लाल टिकली आणि हातात बांगड्या घातलेली मालती या लूकमध्ये खूपच गोड दिसत आहे.
देसी गर्सचा देसी अंदाज
पूजेसाठी प्रियांका चोप्राने मिंट ग्रीन रंगाचा फ्लोरल डिझाईनचा अनारकली ड्रेस घातला होता. या साध्या लूकमध्ये आणि विना मेकअप ती खऱ्या अर्थाने 'देसी गर्ल' दिसत होती. निक जोनासनेही मिंट ग्रीन रंगाचा कुर्ता आणि पांढरा पायजमा घातला होता.
