Entertainment: 'धुरंधर 2'चा जलवा, साऊथच्या 'या' सिनेमांची रिलीज डेट ढकलली पुढे
Entertainment: 'रणवीर सिंगच्या 'धुरंधर 2' ने बॉक्स ऑफिसवर धुमाकूळ घातला आहे. सिनेमा रिलीज होऊन 11 दिवस झाले तरी त्याची क्रेझ कायम आहे. या सिनेमाच्या जबरदस्त यशामुळे साऊथ फिल्म इंडस्ट्रीने आपल्या काही मोठ्या सिनेमांची रिलीज डेट पुढे ढकलली आहे.
रणवीर सिंहच्या धुरंधर 2 चा जलवा
रणवीर सिंगचा 'धुरंधर 2' रिलीज होताच बॉक्स ऑफिसवर हिट ठरला. हा सिनेमा दररोज जबरदस्त कमाई करत असून नवनवीन रेकॉर्ड बनवत आहे. वर्ल्डवाइड बॉक्स ऑफिसवर सर्वाधिक कमाई करणाऱ्या सिनेमांच्या यादीतही तो सामील झाला आहे.
धुरंधर 2 मुळे साउथ फिल्म इंडस्ट्रीत भीतीचे वातावरण
'धुरंधर २'चा बॉक्स ऑफिसवरील धुमाकूळ पाहून साऊथ फिल्म इंडस्ट्रीत भीतीचे वातावरण आहे. मीडिया रिपोर्ट्सनुसार, काही मोठ्या साऊथ सिनेमांची रिलीज डेट पुढे ढकलण्यात आली आहे.
राम चरणची फिल्म पेड्डी
साऊथ सुपरस्टार राम चरण त्याच्या 'पेद्दी' या सिनेमामुळे चर्चेत आहे. या सिनेमाची रिलीज डेट अनेकदा बदलण्यात आली आहे आणि आता पुन्हा एकदा ती बदलल्याची बातमी आहे. हा सिनेमा 30 एप्रिलला रिलीज होणार होता, पण आता तो पुढे ढकलण्यात आला आहे. नवीन रिलीज डेट अजून जाहीर झालेली नाही.
प्रदीप रंगनाथनची फिल्म LIK
प्रदीप रंगनाथनच्या 'लव्ह इन्शुरन्स कंपनी' म्हणजेच 'LIK' या सिनेमाच्या रिलीजबाबत नवीन अपडेट समोर आले आहे. मीडिया रिपोर्ट्सनुसार, हा सिनेमा 3 एप्रिल रोजी रिलीज होणार होता, पण तो पुढे ढकलण्यात आला आहे. आता हा सिनेमा 10 एप्रिलला रिलीज होईल, असं म्हटलं जात आहे.
अखिल अक्‍क‍िनेनीची फिल्म लेनिन
साऊथचा हिरो अखिल अक्किनेनीचा 'लेनिन' हा सिनेमाही पुढे ढकलण्यात आला आहे. श्रीलीलासोबतचा त्याचा हा सिनेमा आता 26 जून रोजी सिनेमागृहात रिलीज होणार असल्याची माहिती आहे.
