मुंबई महापालिकेने (BMC) अभिनेता अजय देवगणच्या जुहू येथील बंगल्यातील बेकायदा बांधकामावर हातोडा चालवला आहे. एमएमसी कायद्याच्या कलम ३५४ ए अंतर्गत दिलेली नोटीस धुडकावल्याने ही कारवाई करण्यात आली.
मुंबई : मुंबई महापालिकेने (BMC) बॉलिवूड अभिनेता अजय देवगणच्या जुहू येथील बंगल्यातील काही भागावर कारवाई केली आहे. पालिकेने दिलेल्या माहितीनुसार, तिथे बेकायदा बांधकाम सुरू होतं, त्यामुळे हा भाग पाडण्यात आला. पालिकेने १० सप्टेंबर २०२६ रोजी या बांधकामाबाबत एक नोटीस बजावली होती. यात बांधकाम तात्काळ थांबवण्याचे आणि आवश्यक परवानग्यांसह कागदपत्रे जमा करण्याचे आदेश दिले होते.
नेमकी कारवाई का झाली?
बीएमसीच्या म्हणण्यानुसार, बंगल्यात आतल्या बाजूने काही बदल केले जात होते. यात पार्टिशनच्या भिंती, खिडक्या आणि इतर कामं कोणतीही परवानगी न घेता सुरू होती.
मुंबई महापालिका कायद्याच्या कलम ३५४ ए अंतर्गत नोटीस देऊनही हे काम थांबलं नाही. त्यामुळे पालिकेच्या पथकाने थेट कारवाई करत बंगल्याचा काही भाग पाडून टाकला.अजय देवगणच्या जुहूतील या मालमत्तेवर बांधकाम नियमांचं उल्लंघन झाल्याचा ठपका आहे. संबंधित लोकांना काम थांबवून योग्य ती कागदपत्रे आणि परवानग्या दाखवण्यास पालिकेने सांगितलं होतं.
Related Articles
'दृश्यम'ची बॉक्स ऑफिसवर घोडदौड
एकीकडे ही कारवाई सुरू असताना, दुसरीकडे अजय देवगणचा क्राईम थ्रिलर 'दृश्यम' बॉक्स ऑफिसवर धुमाकूळ घालत आहे. या सिनेमाने जगभरात ४०० कोटी रुपयांचा टप्पा ओलांडला आहे. अभिषेक पाठकने दिग्दर्शित केलेला या सीरिजचा तिसरा आणि शेवटचा भाग २ ऑक्टोबरला रिलीज झाला. समीक्षकांनीही या सिनेमाचं कौतुक केलं असून, कलाकारांचा अभिनय आणि सिनेमातील सस्पेन्स प्रेक्षकांना चांगलाच भावला आहे.
