अनूप कुमार हे बेंगळुरूमधील एका खाजगी कंपनीत सॉफ्टवेअर कन्सल्टंट म्हणून काम करत होते.
बेंगळुरु: बेंगळुरूमध्ये एका घरात चार जणांचे मृतदेह आढळून आले आहेत. मृतांमध्ये पती-पत्नी आणि त्यांची दोन मुले आहेत. बेंगळुरुच्या आरएमव्ही सेकंड स्टेजमधील एका भाड्याच्या घरात ही धक्कादायक घटना घडली आहे.
अनूप कुमार (३८), त्यांची पत्नी राखी (३५) आणि त्यांची ५ वर्षांची मुलगा आणि २ वर्षांची मुलगी असे मृतांची नावे आहेत. ते उत्तर प्रदेशातील अलाहाबादचे रहिवासी होते. अनूप कुमार हे बेंगळुरूमधील एका खाजगी कंपनीत सॉफ्टवेअर कन्सल्टंट म्हणून काम करत होते. घटनेची पोलिसांनी चौकशी सुरू केली आहे. सविस्तर चौकशीनंतर अधिक माहिती देण्यात येईल, असे पोलिसांनी सांगितले.
दरम्यान, जम्मू-काश्मीरमधील श्रीनगरमध्ये एका कुटुंबातील पाच जणांचा गुदमरून मृत्यू झाल्याची बातमी समोर आली आहे. मृतांमध्ये पती-पत्नी आणि त्यांची तीन मुले आहेत. बारामुल्ला जिल्ह्यातील हे कुटुंब पांड्रेथन परिसरात भाड्याने राहत होते. गुदमरल्याने बेशुद्ध झालेल्या या कुटुंबाला रुग्णालयात नेण्यात आले, मात्र त्यांचा जीव वाचवता आला नाही. मृतांमध्ये एक महिन्याचे बाळही आहे. १८ महिन्यांचे आणि ३ वर्षांचे दोन मुलेही मृतांमध्ये असल्याचे स्थानिक माध्यमांनी वृत्त दिले आहे. थंडीपासून बचाव करण्यासाठी वापरल्या जाणाऱ्या हीटिंग उपकरणामुळे हा अपघात झाल्याचा पोलिसांचा अंदाज आहे.
