सकाळचा नाश्ता बनवा आरोग्यदायी, या ६ पदार्थांचा करा समावेश

संतुलित नाश्त्यामध्ये प्रथिने, फायबर आणि पोषकतत्त्वे असणे आवश्यक आहे. अंडी, ओट्स, कॉफी, चिया सीड्स, बेरीज आणि नट्स सारख्या पदार्थांचा समावेश करा. हे पदार्थ ऊर्जा वाढवतात, रोगप्रतिकारक शक्ती सुधारतात आणि हृदयविकाराचा धोका कमी करतात.

दिवसातील सर्वात महत्त्वाचे भोजन म्हणजे नाश्ता. संतुलित नाश्तामध्ये प्रथिने, फायबर आणि इतर पोषकतत्त्वे असणे गरजेचे आहे. नाश्ता नेहमीच आरोग्यवर्धक असावा. चला तर मग, नाश्त्यामध्ये समाविष्ट करण्यायोग्य काही महत्त्वाच्या अन्नपदार्थांबद्दल जाणून घेऊया.

१.प्रथिनयुक्त अंडी

अंडी प्रथिनांनी भरपूर असतात. मांसपेशींच्या विकासासाठी आणि देखभालीसाठी ती खूपच आवश्यक आहेत. नाश्त्यामध्ये अंडी समाविष्ट केल्याने भूक कमी लागते आणि ऊर्जा वाढते. अंड्याच्या पिवळ्या बलकात ल्यूटिन, झेक्सॅन्थिन आणि अँटीऑक्सिडंट्स असतात, जे डोळ्यांच्या आरोग्यासाठी फायदेशीर आहेत.

२.फायबरयुक्त ओट्स

सकाळच्या नाश्त्यामध्ये ओट्स घेणे हा एक उत्कृष्ट पर्याय आहे. कमी कॅलरी आणि भरपूर फायबर असलेले ओट्स रोगप्रतिकारक क्षमता वाढवण्यासाठी मदत करतात. ओट्स कोलेस्ट्रॉल आणि ग्लुकोजची पातळी कमी करण्यात उपयोगी ठरू शकतात. त्यामध्ये अँटीऑक्सिडंट्स आणि प्रीबायोटिक गुणधर्म देखील असतात.

आणखी वाचा- हिवाळ्यात कोणता आहार घ्यावा? जाणुन घ्या सोपा डाएट प्लॅन

३.उत्साहाने भरून टाकणारी कॉफी

कॉफीमध्ये कॅफीन असते, जे शारीरिक आणि मानसिक कार्यक्षमता वाढवते. कॉफीमध्ये असलेले पोषकतत्त्वे ऊर्जा वाढवण्यासाठी उपयुक्त ठरतात. चांगल्या आरोग्यासाठी दिवसभरात 1-2 कप कॉफीचा सेवन करा. मात्र, जास्त प्रमाणात कॉफी पिणे शरीराला हानी पोहोचवू शकते.

४.चिया सीड्स (Chia Seeds):

चिया सीड्स फायबरचा उत्कृष्ट स्रोत आहेत. मूठभर चिया सीड्समध्ये जवळपास 10 ग्रॅम फायबर असते. चिया सीड्समध्ये असलेले फायबर जास्त भूक लागण्यापासून प्रतिबंधित करते. त्यामुळे जास्त खाणे टाळले जाते आणि वजन नियंत्रणात राहते.

५.हृदय रोगांपासून वाचवणाऱ्या बेअरीज (Berries):

बेअरीज या कमी कॅलरी असलेल्या फळांमध्ये गणल्या जातात. बेऱ्यांमध्ये असलेले अँथोसायनिन नावाचे अँटीऑक्सिडंट हृदयविकाराचा धोका कमी करते. अँथोसायनिनयुक्त आहार एकूण आरोग्यासाठी चांगला ठरतो. त्यामुळे तुमची रोगप्रतिकारक शक्तीही सुधारते.

आणखी वाचा- मुलांसाठी घरगुती मसाला दूध रेसिपी

६.दररोज खा नट्स:

अभ्यासातून असे दिसून आले आहे की रोज नाश्त्यात मूठभर नट्स समाविष्ट केल्याने हृदयविकार आणि इतर आरोग्य समस्यांचा धोका कमी होतो.

Disclaimer : या लेखात दिलेली माहिती पूर्णतः सत्य आणि अचूक असल्याचा आम्ही दावा करत नाही. ही माहिती स्वीकारण्यापूर्वी संबंधित क्षेत्रातील तज्ज्ञांचा सल्ला नक्की घ्या.