Budget Session 2025 : आजपासून अर्थसंकल्पीय अधिवेशनाला होणार सुरुवात

राष्ट्रपती द्रौपदी मुर्मू यांच्या संबोधनानंतर अर्थसंकल्पीय अधिवेशन आजपासून (31 जानेवारी) सुरू होणार आहे. तर 1 फेब्रुवारीला केंद्र सरकारचा अर्थसंकल्प सादर केला जाणार आहे.

Parliament Budget Session :  अर्थसंकल्पीय अधिवेशनाची सुरुवात आजपासून राष्ट्रपती द्रौपदी मुर्मू यांच्या अभिभाषणापासून होणार आहे. संसदनाला संबोधित करण्यासाठी राष्ट्रपती पारंपारिक बग्गीच्या माध्यमातून संसद भवनात पोहोचणार आहेत. सकाळी 11 वाजता द्रौपदी मुर्मू यांचे अभिभाषण सुरू होणार आहे. यानंतर आर्थिक सर्वेक्षण सादर केला जाणार आहे. तर 1 फेब्रुवारीला अर्थसंकल्प 2025 मांडला जाणार आहे. याशिवाय 5 फेब्रुवारीला असणाऱ्या विधानसभा निवडणुकीच्या कारणास्तव संसदेचे कामकाज बंद राहणार आहे.

अर्थसंकल्पीय अधिवेशनासाठी सरकारकडून 16 विधेयकांची सूची तयार करण्यात आली आहे. यामध्ये वक्फ संशोधन विधेयक, इमीग्रेशन आणि फॉरेनर्स विधेयकासह आर्थिक प्रकरणासंबंधित काही महत्वाच्या बिलांचा समावेश आहे. अर्थमंत्री निर्मला सीतारमण शुक्रवारी 2024-25 चा आर्थिक सर्वेक्षण सादर करतील. मुख्य आर्थिक सल्लागार वी अनंत नागेश्वरन यांच्या नेतृत्वाखालील टीमने आर्थिक सर्वेक्षण तयार केला आहे.

अर्थमंत्री निर्मला सीतारमण शनिवारी (1 फेब्रुवारी) मोदी सरकारच्या तिसऱ्या कार्यकाळातील दुसरा अर्थसंकल्प सादर करणार आहे. अर्थसंकल्पीय अधिवेशन शुक्रवारी राष्ट्रपती द्रौपदी मुर्मू यांच्या लोकसभा आणि राज्यसभेच्या संयुक्त बैठकीला संबोधित करण्यासोबत सुरू होणार आहे. सत्राचा पहिला भाग 13 फेब्रुवारीला संपणार असून दुसरा भाग 10 मार्चपासून सुरू होणार आहे. अशातच सत्र 4 एप्रिलला पूर्णपणे संपणार आहे.

अर्थसंकल्पीय अधिवेशनापूर्वी सर्वपक्षीय बैठक

अर्थसंकल्पीय अधिवेशनापूर्वी सर्वपक्षीय बैठकीमध्ये महाकुंभचा मुद्दा उचलून धरला गेला. विरोधकांनी राजकीय पर्यटन आणि व्हीव्हीआयपी व्यवस्थेचा आरोप लावला. विरोधकांनी कुंभच्या दुर्घटनेवरुन संसदेत चर्चा व्हावी अशी मागणी आणि मृतांचा आकडा न सांगितल्याचाही आरोप लावला आहे. याशिवाय विरोधकांच्या खासदारांनी वक्फवर तयार करण्यात आलेल्या JPC च्या कामकाजाच्या पद्धतीवरही प्रश्नचिन्ह उपस्थितीत केले.

आणखी वाचा :