ट्रॅव्हल ब्लॉगर अक्षिता आणि जश यांनी अवघ्या ७० हजार रुपयांत जॉर्जियाची ७ दिवसांची ट्रिप केली. त्यांच्या या बजेट प्लॅनमध्ये विमान प्रवास, जेवण आणि तिबिलिसी, काझबेगी, बातुमीसारख्या सुंदर ठिकाणांचा समावेश आहे.
नवी दिल्ली : भारतीय पर्यटकांमध्ये जॉर्जियाची क्रेझ आता हळूहळू वाढू लागली आहे. हा देश तिथले सुंदर पर्वत, जुनी आणि आकर्षक गावे, ऐतिहासिक वारसा आणि खिशाला परवडणाऱ्या प्रवासासाठी ओळखला जातो. जर तुम्ही व्यवस्थित प्लॅनिंग केलं, तर जॉर्जियाची ट्रिप खूप स्वस्तात होऊ शकते. म्हणूनच हा देश पर्यटकांना जास्त आकर्षित करतो.
ट्रॅव्हल ब्लॉगर अक्षिता आणि जश यांनी नुकतीच त्यांची जॉर्जिया ट्रिप अवघ्या ७० हजार रुपयांत कशी पूर्ण केली, याचा अनुभव शेअर केला आहे. त्यांनी विमान प्रवास, राहण्याचा खर्च, फिरणं आणि प्रेक्षणीय स्थळांना भेट देण्यापर्यंतच्या सर्व खर्चाचा हिशोब दिला. योग्य प्लॅनिंगमुळे कमी खर्चातही त्यांनी या ट्रिपचा पुरेपूर आनंद कसा घेतला, हे त्यांनी सांगितलं.
भारतातून अवघ्या पाच तासांच्या विमान प्रवासावर असलेला जॉर्जिया, भारतीयांना युरोपसारखा फील देतो, तोही अगदी कमी खर्चात. अक्षिताच्या मते, तुम्ही जॉर्जियाच्या ई-व्हिसासाठी अप्लाय करू शकता आणि तो साधारण तीन ते पाच दिवसांत मिळतो. जर तुम्ही बजेट व्यवस्थित आखलं, तर ७ दिवसांची ट्रिप सहज ७० हजार रुपयांत होऊ शकते.
Related Articles
एअरलाईन, तुम्ही कुठून प्रवास करत आहात आणि तिकीट कधी बुक करत आहात, यावर विमान प्रवासाचा खर्च अवलंबून असतो. भारत ते जॉर्जिया या रिटर्न तिकीटासाठी साधारण ३०,००० ते ३५,००० रुपये खर्च येऊ शकतो. पैसे वाचवायचे असतील, तर पर्यटकांनी आधीच तिकीट दरांची तुलना करून बुकिंग करणं फायद्याचं ठरतं.
पाहा व्हायरल व्हिडीओ
जेवणाचा खर्चही इथे अगदी आवाक्यात आहे. शाकाहारी जेवणाचे पर्याय इथे सहज उपलब्ध आहेत आणि एका वेळच्या जेवणासाठी साधारण ३०० ते ६०० रुपये खर्च येतो. प्रसिद्ध पर्यटन स्थळांवर भारतीय जेवणही मिळतं, पण ते स्थानिक जेवणापेक्षा थोडं महाग असू शकतं. राहण्यासाठी एअरबीएनबी (Airbnbs) आणि हॉटेल्सचा एका रात्रीचा खर्च साधारण ४,००० ते ५,००० रुपये इतका येतो.
असा होता त्यांचा ७ दिवसांचा प्लॅन
या कपलने त्यांच्या ट्रिपची सुरुवात तिबिलिसी (Tbilisi) शहरातून केली. अक्षिताच्या मते, हे असं शहर आहे ज्याच्या प्रेमात पर्यटक 'पहिल्याच नजरेत' पडतील. पहिल्या दिवशी लिबर्टी स्क्वेअर आणि तिबिलिसीच्या ओल्ड टाऊनमध्ये फिरल्यानंतर, त्यांनी केबल कारने 'मदर ऑफ जॉर्जिया'ला भेट दिली. दुसऱ्या दिवशी ते 'सिटी ऑफ लव्ह' म्हणून ओळखल्या जाणाऱ्या सिघनाघी (Sighnaghi) शहराच्या डे-ट्रिपला गेले. वाटेत त्यांनी काखेती (Kakheti) इथे थांबून जॉर्जियाची वाईन संस्कृती जाणून घेतली आणि तिथल्या निसर्गरम्य परिसराचा आनंद लुटला.
पुढच्या दिवशी अक्षिता आणि जश काझबेगी (Kazbegi) कडे रवाना झाले. "इथे तुम्हाला हमखास स्वित्झर्लंडसारखी वाईब मिळेल," असं ते म्हणतात. अक्षिता म्हणाली, "काझबेगीमध्ये काहीतरी खास आहे, आम्ही आमचं मन या पर्वतांमध्येच हरवून बसलो."
पाचव्या दिवशी त्यांचा मोर्चा बातुमी (Batumi) कडे वळला. हे कपल ट्रेनने ब्लॅक सी (Black Sea) जवळच्या या शहरात पोहोचलं. हे शहर तिथल्या समुद्रकिनाऱ्यांसाठी प्रसिद्ध आहे आणि त्यांनी त्यांच्या ट्रिपचे शेवटचे दोन दिवस इथेच घालवले. "हे एक बीच टाऊन असल्यामुळे, तुम्हाला इथे एकदम रिलॅक्स आणि निवांत वाटेल," असं ती म्हणाली.
या कपलने कपल्स आणि फॅमिली अशा दोघांनाही जॉर्जियाला भेट देण्याचा सल्ला दिला आहे. "जॉर्जिया फिरण्यासाठी एक अतिशय भारी ठिकाण आहे. हा फक्त वाईनचा जन्मदाता देश नाही, तर आम्ही इथली शहरं, पर्वत आणि समुद्रकिनाऱ्यांचा मनसोक्त आनंद घेतला," असं अक्षिताने शेवटी सांगितलं.
