Year End Discounts: 2025 डिसेंबर महिन्याच्या अखेरीस मारुती, किया, ह्युंदाई, टाटा आणि महिंद्रा यांसारख्या मोठ्या कार कंपन्या मोठ्या प्रमाणात इयर-एंड डिस्काउंट देत आहेत. ज्यामुळे एक लाखापेक्षा जास्त बचत करण्याची संधी मिळेल. जाणून घेऊ काय आहेत या ऑफर्स
Year End Discounts: एकेकाळी आपली स्वत:ची कार असावी ही मध्यमवर्गासाठी स्वप्नवत गोष्ट असायची. हळूहळू ग्राहकांची वाढती क्रयशक्ती आणि बॅंकेकडून सहज उपलब्ध होणारे कार लोन यामुळे कारचे स्वप्न सत्यात उतरू लागले आहे. याशिवाय अनेक कार कंपन्या ग्राहकांसाठी विविध कारणांनी मोठ्या सवलती देत असतात. यामुळे ग्राहकालाही कार मार्केटमध्ये अनेक पर्याय उपलब्ध होत असतात. यंदाही डिसेंबर अखेरीस कोणत्या कंपन्यांनी नेमक्या कोणत्या ऑफर्स आणल्या आहेत याबाबत जाणून घेऊयात.
2025 चा डिसेंबर महिना संपत आला आहे. डिसेंबरमध्ये कार कंपन्यांनी इयर-एंड डिस्काउंट जाहीर केले होते. आता फक्त दोन दिवस शिल्लक आहेत. हॅचबॅक, सेडान, एसयूव्ही आणि फ्लीट कारवर ग्राहकांना या इयर-एंड डिस्काउंटमुळे मोठा फायदा मिळत आहे. फोक्सवॅगन, मारुती सुझुकी, किया, ह्युंदाई, होंडा यांसारख्या कंपन्या कॅश डिस्काउंट, एक्सचेंज बोनस आणि ईएमआय सपोर्ट स्कीम्स देत आहेत. चला पाहूया कोणत्या कार कंपन्या सर्वाधिक ऑफर्स देत आहेत.
मारुतीच्या गाड्यांवर दोन लाख रुपयांपर्यंतचे फायदे
मारुती सुझुकी वॅगनआरच्या पेट्रोल आणि सीएनजी व्हेरिएंटवर 61,100 रुपयांपर्यंतचे फायदे उपलब्ध आहेत. यामध्ये ग्राहक ऑफर्स, एक्सचेंज बोनस आणि स्क्रॅपेज बोनस यांचा समावेश आहे. तसेच, बलेनोवर 53,000 रुपयांपर्यंतची बचत करता येईल. मारुती सुझुकी डिझायरवर 15,000 रुपयांपर्यंतचे फायदे मिळत आहेत. स्विफ्टवर 40,000 रुपयांपर्यंत आणि सीएनजी व्हेरिएंटवर 30,000 रुपयांपर्यंत बचत करता येईल. मारुती सुझुकी ग्रँड विटाराच्या बहुतेक व्हेरिएंटवर एक लाखापेक्षा जास्त बचत करता येईल. स्ट्रॉंग हायब्रीड आवृत्तीवर 2.03 लाख रुपयांपर्यंतचे सर्वाधिक फायदे मिळत आहेत.
Related Articles
किया डिसेंबर ऑफर्स
किया इंडियाने 'इन्स्पायरिंग डिसेंबर' नावाने देशव्यापी विक्री मोहीम सुरू केली आहे, जी 31 डिसेंबर 2025 पर्यंत वैध आहे. निवडक मॉडेल्सवर 3.65 लाख रुपयांपर्यंतचे एकूण फायदे मिळत आहेत. यामध्ये सेल्टोस, सोनेट, सिएरोस, कॅरेन्स क्लॅव्हिस (ICE, EV) आणि कार्निव्हल यांचा समावेश आहे. या ऑफर्समध्ये कॅश डिस्काउंट, एक्सचेंज ऑफर्स, लॉयल्टी बोनस आणि कॉर्पोरेट स्कीम्सचा समावेश आहे. ऑफर्स स्टॉकनुसार बदलू शकतात.
टाटा मोटर्स डिस्काउंट ऑफर्स
टाटा मोटर्स निवडक मॉडेल्सवर इयर-एंड डिस्काउंटसह ईएमआय स्कीम्स देखील देत आहे. टाटा पंचवर 40,000 रुपयांपर्यंत, टाटा नेक्सॉनवर 50,000 रुपयांपर्यंत आणि नवीन अल्ट्रोज मॉडेलवर 25,000 रुपयांपर्यंतचे फायदे उपलब्ध आहेत. फेसलिफ्टपूर्वीच्या स्टॉकवर 85,000 रुपयांपर्यंत आणि टाटा हॅरियर व सफारीवर एक लाख रुपयांपर्यंतचे इयर-एंड फायदे उपलब्ध आहेत.
डिसेंबर 2025 ह्युंदाई ऑफर्स
ह्युंदाईच्या हॅचबॅक, सेडान आणि एसयूव्हीवर एकूण सवलत एक लाख रुपयांपेक्षा जास्त आहे. या ऑफर्स व्हेरिएंटनुसार बदलतात. ह्युंदाई ग्रँड i10 निओसवर एकूण 1.43 लाख रुपयांपर्यंतचे फायदे मिळू शकतात. ह्युंदाई i20 वर एकूण 1.68 लाख रुपयांपर्यंतची बचत होऊ शकते. ह्युंदाई एक्सेंटवर एकूण 1.74 लाख रुपयांपर्यंतचे फायदे आहेत.
महिंद्रा डिसेंबर ऑफर्स
महिंद्रा XUV 3XO 1,14,500 रुपयांपर्यंतच्या फायद्यांसह उपलब्ध आहे. तसेच, XUV400 4,45,000 रुपयांपर्यंतच्या फायद्यांसह उपलब्ध आहे. महिंद्रा स्कॉर्पिओ क्लासिक 1,40,000 रुपयांपर्यंतच्या फायद्यांसह उपलब्ध आहे. महिंद्रा स्कॉर्पिओ-एन 85,600 रुपयांपर्यंतच्या फायद्यांसह उपलब्ध आहे. महिंद्रा थारवर 1,20,000 रुपयांपर्यंतचे फायदे मिळत आहेत. महिंद्रा XUV700 1,55,600 रुपयांपर्यंतच्या फायद्यांसह उपलब्ध आहे. या फायद्यांमध्ये कॅश डिस्काउंट, एक्सचेंज बोनस, लॉयल्टी फायदे, कॉर्पोरेट ऑफर्स आणि विमा योजनांचा समावेश आहे. व्हेरिएंट, शहर आणि डीलरशिपनुसार प्रत्यक्ष ऑफर्स बदलू शकतात.
