Christmas Celebration 2025 : भारतातील 5 बेस्ट चर्च, जिथे ख्रिसमस होतो शानदार
ख्रिसमस 2025 : भारतातील 5 सर्वोत्तम चर्चबद्दल जाणून घ्या. यापैकी प्रत्येक चर्चचे स्वतःचे वैशिष्ट्य आहे. ख्रिसमसच्या काळात येथील भव्य सजावट तुमच्या सणाचा आनंद द्विगुणीत करेल.
भारतातील टॉप 5 चर्च -
ख्रिसमस, ज्याला 'बडा दिन' असेही म्हटले जाते, हा ख्रिश्चन धर्मातील सर्वात महत्त्वाचा सण आहे. दरवर्षी 25 डिसेंबर रोजी प्रभू येशू ख्रिस्ताचा जन्मदिन म्हणून तो साजरा केला जातो. भारतातही हा सण प्रेम, बंधुभाव आणि आनंदाचा संदेश घेऊन येतो. ख्रिसमस सेलिब्रेशन 2025 साठी भारतातील 5 सर्वोत्तम चर्च कोणते आहेत, ते जाणून घ्या.
माउंट मेरी चर्च, मुंबई -
मुंबईतील माउंट मेरी चर्च किंवा बॅसिलिका ऑफ अवर लेडी ऑफ द माउंट ख्रिसमसच्या काळात जत्रा आणि भव्य सजावटीसाठी प्रसिद्ध आहे. येथील रंगीबेरंगी रोषणाई आणि ख्रिसमस ट्रीची सुंदर सजावट लोकांना मंत्रमुग्ध करते. मुंबईत ख्रिसमस सेलिब्रेशनचा खरा आनंद घ्यायचा असेल, तर हे चर्च चुकवू नका.
सेंट पॉल कॅथेड्रल चर्च, कोलकाता
कोलकातामधील सेंट पॉल कॅथेड्रल चर्च ख्रिसमस साजरा करण्यासाठी सर्वात लोकप्रिय ठिकाणांपैकी एक आहे. या ऐतिहासिक चर्चची भव्य सजावट आणि शांत वातावरण लोकांना आकर्षित करते. दरवर्षी दूरदूरून पर्यटक आणि स्थानिक लोक येथे ख्रिसमसचा आनंद साजरा करण्यासाठी येतात. तुम्ही कोलकाता ट्रिपचे नियोजन करत असाल, तर सेंट पॉल कॅथेड्रलचा नक्कीच समावेश करा.
ख्राईस्ट चर्च, शिमला -
शिमल्यातील ख्राईस्ट चर्च बर्फाच्छादित डोंगरांमध्ये ख्रिसमस सेलिब्रेशनसाठी एक आदर्श ठिकाण आहे. थंडीत बर्फाच्या सानिध्यात या चर्चमध्ये आनंद साजरा करणे हा एक वेगळाच अनुभव देतो. शिमल्याला भेट देणारे पर्यटक ख्रिसमसच्या सुट्टीसाठी हे सर्वोत्तम ठिकाण मानतात.
सॅन्थोम चर्च, चेन्नई -
चेन्नईच्या सॅन्थोम चर्चचे ऐतिहासिक महत्त्व त्याला खास बनवते. 1894 मध्ये बांधलेल्या या चर्चमध्ये सेंट थॉमस यांचे अवशेष ठेवलेले आहेत. त्यामुळे देश-विदेशातून लोक ख्रिसमसच्या निमित्ताने येथे येतात. चेन्नईतील सॅन्थोम चर्चच्या भव्य वातावरणात सामील होऊन तुम्ही या सणाची खरी भावना अनुभवू शकता.
कॅथेड्रल चर्च, गोवा -
गोव्यातील कॅथेड्रल चर्च हे भारतातील सर्वात मोठ्या चर्चपैकी एक आहे. हे बांधायला सुमारे 52 वर्षे (1562-1619) लागली. येथील विशाल इमारत आणि ख्रिसमसचे भव्य आयोजन पर्यटकांसाठी ते अधिक आकर्षक बनवते. तुम्हाला भारतात ख्रिसमस सेलिब्रेशन 2025 चा सर्वोत्तम अनुभव घ्यायचा असेल, तर गोव्यातील हे चर्च नक्की पाहा.
