आयकर रिटर्न भरण्याची अंतिम मुदत १५ जानेवारी पर्यंत वाढली! 'इतकी' आहे लेट फी

सरकारने विलंबित आयकर रिटर्न (ITR) भरण्याची अंतिम तारीख ३१ डिसेंबर वरून १५ जानेवारीपर्यंत वाढवली आहे. आता १५ जानेवारी २०२५ पर्यंत विलंब शुल्कासह ITR दाखल करता येईल. जर एखाद्या करदात्याने त्यांचा आयटीआर आधीच भरला असेल परंतु नंतर त्यात चुका असल्याचे आढळून आले, तर ते देखील आता १५ जानेवारीपर्यंत सुधारित रिटर्नही दाखल करू शकतात. आर्थिक वर्ष २०२३-२४ साठी कोणत्याही विलंब शुल्काशिवाय ITR दाखल करण्याची अंतिम तारीख 31 जुलै होती.

५,००० रुपयांपर्यंत विलंब शुल्क भरावे लागेल

तुम्ही अद्याप ITR २०२३-२४ दाखल केले नसेल, तर तुम्ही 15 जानेवारीपर्यंत विलंब शुल्कासह फाइल करू शकता. जर एकूण उत्पन्न 5 लाख रुपयांपेक्षा कमी असेल तर तुम्हाला १००० रुपये विलंब शुल्क भरावे लागेल. एकूण उत्पन्न ५ लाख रुपयांपेक्षा जास्त असल्यास ५००० रुपये विलंब शुल्क भरावे लागेल.

आयटीआर फाईल करणे अनिवार्य कधी ?

• बचत खात्यातील एकूण ठेव ५० लाख रुपयांपेक्षा जास्त असेल तर
• एक किंवा अधिक करंट खात्यांमध्ये ₹ 1 कोटीपेक्षा जास्त ठेव
• वैयक्तिक किंवा इतर कोणत्याही व्यक्तीच्या परदेशी प्रवासासाठी २ लाख रुपयांपेक्षा जास्त खर्च
• १ लाखापेक्षा जास्त वीज बिल भरल्यास
• व्यवसायाची एकूण उलाढाल किंवा ग्रॉस रिसीट ६० लाखांपेक्षा जास्त असल्यास
• कोणत्याही व्यवसायातील ग्रॉस रिसीट्स १०ला ख रुपयांपेक्षा जास्त असल्यास
• एकूण कर कपात आणि संकलन २५ हजार किंवात्याहून अधिक असल्यास

आयकर विवरणपत्र कसे भरावे?

• सर्वप्रथम आयकर विभागाच्या अधिकृत साइटवर जा.
• तुमचा पॅन कार्ड नंबर वापरून लॉगिन करा.
• तुमच्या उत्पन्नानुसार ITR फॉर्म निवडा.
• असिसमेंट ईयर FY24 साठी AY2024-25 निवडा.
• आवश्यक वैयक्तिक तपशील आणि वजावट भरा.
• दाखल केल्यावर ५००० विलंब शुल्क लागू होईल.
• आधार OTP वापरून सबमिट करा आणि पडताळणी करा.
• तुम्हाला हवे असल्यास, तुम्ही आयकर कार्यालयात जाऊन फॉर्म सबमिट करून पडताळणीचा पर्याय निवडू शकता.

१५ जानेवारीपर्यंत रिटर्न न भरण्याचे काय तोटे आहेत?

विलंबित ITR दाखल करून तुम्ही नोटीस टाळू शकता परंतु देय तारखेपर्यंत म्हणजे ३१ जुलैपर्यंत विवरणपत्र न भरण्याचे अनेक तोटे आहेत. आयकर नियमांनुसार, जर तुम्ही नियोजित तारखेपूर्वी आयटीआर भरला तर तुम्ही तुमचे नुकसान भविष्यातील आर्थिक वर्षांसाठी पुढे नेऊ शकता. याचा अर्थ तुम्ही पुढील आर्थिक वर्षांमध्ये तुमच्या कमाईवरील कर दायित्व कमी करू शकता. पण आता तुम्हाला आयटीआर भरण्याचा लाभ मिळणार नाही.

याशिवाय तुमच्या उत्पन्नाची माहिती अनेक स्त्रोतांकडून आयकर विभागाकडे पोहोचते, जर आयटीआर दाखल केला नसेल तर त्या माहितीच्या आधारे आयकर विभाग तुम्हाला नोटीस पाठवू शकतो. सूचनांचा त्रास टाळण्यासाठी ITR दाखल करणे फायदेशीर आहे.

आणखी वाचा-

मुलांसाठी SIP ची सुरुवात कधी करावी, भविष्यात मिळेल कोट्यवधींचा परतावा

SIP चा हप्ता चुकवल्यास किती वसूल करतात दंड? जाणून घ्या रक्कम