Tata Tiago EV या कारवर घसघशीत 1.65 लाखांची सूट, वाचा फिचर आणि किंमत, Year End Offer
Tata Tiago EV Massive Discount : तुम्ही नवीन कार घेण्याचा विचार करत असाल, तर हीच योग्य वेळ आहे. वर्षाच्या शेवटी कंपन्या कारवर मोठी सूट देतात. टाटा टियागो ईव्ही कार सध्या मोठ्या सवलतीत उपलब्ध आहे.
टाटा टियागो ईव्हीवर मोठी सूट... किती आहे माहित आहे का?
Tata Tiago EV: टाटा मोटर्सच्या इलेक्ट्रिक चार-चाकी वाहनांच्या लाइनअपमध्ये टियागो ईव्ही ही सर्वात स्वस्त कार आहे. सध्या इयर-एंड डिस्काउंटमुळे डिसेंबर 2025 मध्ये ही इलेक्ट्रिक कार आणखी कमी किमतीत खरेदी करता येईल. टियागो ईव्हीच्या MR आणि LR व्हेरिएंटवर 1.65 लाख रुपयांपर्यंत एकूण सूट मिळत आहे. यामध्ये ग्रीन बोनस, एक्सचेंज ऑफर आणि लॉयल्टी स्कीमचा समावेश आहे.
टाटा टियागो ईव्हीची किंमत?
टाटा टियागो ईव्हीच्या चार व्हेरिएंटची किंमत 7.99 लाख ते 11.14 लाख रुपयांपर्यंत आहे. सर्व व्हेरिएंटवर डिस्काउंट उपलब्ध आहे. म्हणजेच, ही कार या महिन्यात (डिसेंबर 2025) फक्त 6.49 लाख रुपयांमध्ये खरेदी करता येईल.
टाटा टियागोचे मायलेज किती?
फास्ट चार्जरने ही कार 58 मिनिटांत पूर्ण चार्ज होते. एका चार्जमध्ये 275 किलोमीटरची रेंज देते. टियागो ईव्ही XE, XT, XZ+ आणि XZ+ Lux या चार व्हेरिएंटमध्ये उपलब्ध आहे. ग्राहक टील ब्लू, डेटोना ग्रे, ट्रॉपिकल मिस्ट, प्रिस्टाइन व्हाइट आणि मिडनाइट प्लम या पाच रंगांच्या पर्यायांमधून निवड करू शकतात.
या मॉडेलमध्ये कंपनीने काही अपडेट्स केले आहेत. नेहमीचा क्रोम टाटा लोगो आता नाही. त्याऐवजी नवीन 2D टाटा लोगो बसवण्यात आला आहे. तो फ्रंट ग्रिल, टेलगेट आणि स्टीयरिंग व्हीलवरही दिसतो.
टियागोचे फीचर्स अपडेट्स
2024 मध्ये अपडेट झालेल्या टाटा टियागो ईव्हीमध्ये आता ऑटो-डिमिंग IRVM देखील मिळतो. हे फीचर टॉप-स्पेक 'XZ+ Tech Lux' व्हेरिएंटमध्ये उपलब्ध आहे. या इलेक्ट्रिक हॅचबॅकमध्ये USB टाइप-सी चार्जिंग पोर्ट देखील अपडेट करण्यात आले आहे. हे आता XZ+ पासून सर्व व्हेरिएंटमध्ये उपलब्ध असेल.
टियागो ईव्हीचे फीचर्स
टियागो ईव्हीच्या सर्व व्हेरिएंटमध्ये आता नवीन गिअर सिलेक्टर नॉब आहे. ही इलेक्ट्रिक हॅचबॅक 15A सॉकेटनेही चार्ज करता येते. टियागो इलेक्ट्रिक कारमध्ये दोन ड्रायव्हिंग मोड उपलब्ध आहेत. ही ईव्ही 5.7 सेकंदात 0 ते 60 किलोमीटरचा वेग गाठू शकते.
यात 8-स्पीकर सिस्टीम, रेन सेन्सिंग वायपर्स, क्रूझ कंट्रोल, पुश-बटण स्टार्ट/स्टॉप, इलेक्ट्रिक ORVMs आणि इतर अनेक फीचर्स आहेत.
टियागोच्या बॅटरीवर 8 वर्षांची वॉरंटी
टाटा कंपनीच्या मते, टियागो ईव्ही ही भारतातील सर्वात सुरक्षित इलेक्ट्रिक हॅचबॅक आहे. टाटा या इलेक्ट्रिक कारच्या बॅटरी आणि मोटरवर ग्राहकांना आठ वर्षे किंवा 1,60,000 किलोमीटरची वॉरंटी देत आहे. या इलेक्ट्रिक कारची खरी रेंज 275 किलोमीटरपर्यंत आहे.
टीप: वर वर्णन केलेले डिस्काउंट विविध प्लॅटफॉर्मच्या मदतीने कारवर उपलब्ध आहेत. हे डिस्काउंट देशातील विविध राज्ये, प्रदेश, शहरे, डीलरशिप, स्टॉक, रंग आणि व्हेरिएंटनुसार बदलू शकतात. म्हणजेच, हे डिस्काउंट तुमच्या शहरात किंवा डीलरशिपमध्ये कमी-जास्त असू शकते. अशा परिस्थितीत, कार खरेदी करण्यापूर्वी, अचूक डिस्काउंट आणि इतर माहितीसाठी तुमच्या जवळच्या स्थानिक डीलरशी संपर्क साधा.
