2026 मध्ये लाँच होणाऱ्या आयफोन 18 प्रो आणि प्रो मॅक्स मॉडेल्समध्ये नवीन A20 प्रो चिपसेट असण्याची शक्यता आहे. 2 नॅनोमीटर टेक्नॉलॉजीवर आधारित हा चिपसेट जबरदस्त स्पीड आणि चांगली बॅटरी लाईफ देईल. प्रो मॅक्स मॉडेलमध्ये मोठी बॅटरी मिळण्याचीही चर्चा आहे.
कॅलिफोर्निया: आयफोन 17 सीरिजच्या यशानंतर, आता टेक जायंट ऍपल पुढच्या जनरेशनच्या आयफोन 18 सीरिजच्या तयारीला लागली आहे. आयफोन 18 प्रो आणि आयफोन 18 प्रो मॅक्स हे मॉडेल्स सप्टेंबर 2026 मध्ये ग्लोबल मार्केटमध्ये लाँच होण्याची शक्यता आहे. ऍपलने अजून अधिकृतपणे कोणतीही माहिती दिलेली नाही, पण लीक झालेल्या रिपोर्ट्समधून या नवीन प्रो मॉडेल्सबद्दल बरीच माहिती समोर आली आहे.
आयफोन 18 प्रो आणि आयफोन 18 प्रो मॅक्स
आयफोन 18 प्रो आणि आयफोन 18 प्रो मॅक्सच्या डिस्प्लेमध्ये फारसा बदल होण्याची शक्यता नाही. समोर आलेल्या माहितीनुसार, आयफोन 18 प्रो मध्ये 6.3-इंचाची स्क्रीन आणि प्रो मॅक्समध्ये 6.9-इंचाचा पॅनल कायम राहील. फ्रंट डिझाइनमध्ये अधिक सुस्पष्टता (clarity) अपेक्षित आहे. डायनॅमिक आयलंड पूर्णपणे काढला जाईल की त्याचा आकार लहान केला जाईल, याबाबत अजून कोणतीही स्पष्टता नाही. पण, आधीच्या मॉडेल्सपेक्षा ही नवीन आयफोन सीरिज दिसायला अधिक 'क्लीन' असेल, असं म्हटलं जातंय.
प्रोसेसरबद्दल बोलायचं झाल्यास, आयफोन 18 प्रो मॉडेल्समध्ये ऍपल नवीन A20 प्रो चिपसेट देऊ शकते. हा चिपसेट TSMC च्या 2 नॅनोमीटर मॅन्युफॅक्चरिंग टेक्नॉलॉजीवर आधारित असेल. यामध्ये रॅम, सीपीयू, जीपीयू आणि न्यूरल इंजिन एकाच वेफरवर असतील, ज्यामुळे चिप अधिक एकत्रित (unified) होईल. यामुळे स्पीड, ऊर्जा कार्यक्षमता (energy efficiency) आणि उष्णता नियंत्रणात (thermal management) मोठी सुधारणा दिसेल. सुरुवातीच्या अंदाजानुसार, या फोन्सचा परफॉर्मन्स आधीच्या जनरेशनपेक्षा 15% जास्त असेल आणि 30% पर्यंत विजेची बचत होईल.
Related Articles
आयफोन 18 प्रो सीरिजमध्ये बॅटरी अपडेट मिळणार?
एका रिपोर्टनुसार, ऍपल नवीन आयफोन सीरिजच्या बॅटरीवर विशेष लक्ष देत आहे. आयफोन प्रो मॅक्स मॉडेलमध्ये अधिक क्षमतेची, म्हणजेच 5,100mAh ते 5,200mAh पर्यंतची मोठी बॅटरी मिळू शकते, असं म्हटलं जातंय. सुधारित चिपसेट आणि मोठी बॅटरी यामुळे जास्त बॅटरी लाईफ आणि डिव्हाइसवर चांगला AI परफॉर्मन्स मिळेल, अशी अपेक्षा आहे.
दरम्यान, या नवीन आयफोन सीरिजच्या किंमतीबद्दल सध्या कोणतीही माहिती समोर आलेली नाही. पण भारतातील आयफोन 17 प्रो मॉडेल्सच्या सध्याच्या वाढलेल्या किमती पाहता, ऍपल आयफोन 18 प्रो मॉडेल्सच्या किमतीत खूप मोठी वाढ करण्याची शक्यता कमी आहे, असं मार्केटमधील तज्ज्ञांचं मत आहे.
