सावधान! तुमच्या गाडीची 'HSRP' नंबर प्लेट बनावट तर नाही ना? अशी ओळखा खरी प्लेट; 'या' ६ चुका टाळा

How To Identify Fake HSRP Number Plate : सरकारने हाय सिक्युरिटी नंबर प्लेट (HSRP) अनिवार्य केली असली तरी, बनावट प्लेट्सचे रॅकेट सक्रिय झाले. या बनावट प्लेट्समुळे वाहनधारकांना कायदेशीर कारवाईला सामोरे जावे लागू शकते, त्यामुळे खरी HSRP प्लेट कशी ओळखावी

Image Credit : Social Media

सावधान! तुमच्या गाडीची 'HSRP' नंबर प्लेट बनावट तर नाही ना?

मुंबई : वाहन चोरीला लगाम लावण्यासाठी सरकारने 'हाय सिक्युरिटी नंबर प्लेट' (HSRP) अनिवार्य केली असली, तरी आता यातही फसवणुकीचे मोठे रॅकेट सक्रिय झाले आहे. काही टोळ्या हुबेहूब दिसणाऱ्या बनावट (Duplicate) नंबर प्लेट्स बनवून वाहनधारकांची फसवणूक करत आहेत. तुमची नंबर प्लेट अधिकृत आहे की नाही, हे वेळीच ओळखले नाही तर तुमच्यावर कायदेशीर कारवाई होऊ शकते. 

Image Credit : gemini

बनावट नंबर प्लेटचा असा होतोय खेळ

अनेक वाहनधारक वेळ वाचवण्यासाठी किंवा स्वस्त मिळते म्हणून स्थानिक मेकॅनिककडून नंबर प्लेट बनवून घेतात. मात्र, या प्लेट्स केवळ दिसण्यापुरत्या 'हाय सिक्युरिटी' असतात. आरटीओच्या रेकॉर्डवर त्यांची नोंद नसल्याने पोलीस तपासणीत तुमचे वाहन संशयास्पद ठरू शकते.

Image Credit : our own

खरी नंबर प्लेट कशी ओळखाल? (हे ६ नियम विसरू नका)

१. फक्त ऑनलाइन बुकिंग: नंबर प्लेटसाठी नेहमी अधिकृत वेबसाइटचा (उदा. transport.maharashtra.gov.in) वापर करा.

२. रोख व्यवहार पूर्णपणे बंद: HSRP साठीची फी केवळ ऑनलाइनच भरावी लागते. जर एखादा डीलर किंवा एजंट 'कॅश' मागत असेल, तर समजा काहीतरी गडबड आहे.

३. कागदपत्रांची पडताळणी: अधिकृत डीलर प्लेट बसवण्यापूर्वी तुमच्या वाहनाचा चेसिस नंबर आणि मूळ कागदपत्रांची बारकाईने तपासणी करतो.

४. लेझर कोडचे गुपित: नंबर प्लेट बसवल्यानंतर vahan.parivahan.gov.in वरून तुमच्या आरसीची (RC) प्रिंट काढा. तुमच्या आरसीवरील लेझर कोड आणि नंबर प्लेटवरील लेझर कोड एकच असणे अनिवार्य आहे.

५. नोंदणीची खात्री: जर तुमच्या आरसीवर लेझर कोड दिसत नसेल, तर तुमची नंबर प्लेट बनावट असण्याची दाट शक्यता आहे.

६. तक्रार कुठे करावी? कोडमध्ये तफावत आढळल्यास त्वरित परिवहन विभागाच्या अधिकृत पोर्टलवर तक्रार नोंदवा. 

Image Credit : our own

जुन्या वाहनांसाठी काय प्रक्रिया आहे?

१ एप्रिल २०१९ पूर्वीच्या गाड्यांना ही प्लेट बसवणे अनिवार्य आहे. यासाठीची सोपी पद्धत खालीलप्रमाणे

SIAM पोर्टल: 'SIAM' च्या अधिकृत पोर्टलवर जाऊन तुमच्या घरा जवळच्या डीलरची निवड करा.

स्लॉट बुकिंग: ऑनलाइन फी भरल्यानंतर तुम्हाला हवी ती तारीख आणि वेळ निवडून तुम्ही डीलरकडे जाऊन अवघ्या काही मिनिटांत प्लेट बसवू शकता.

Image Credit : our own

महत्त्वाची टीप

बनावट नंबर प्लेटमुळे तुमचे वाहन गुन्हेगारी कामात वापरले गेल्यास तुम्ही अडचणीत येऊ शकता. त्यामुळे अधिकृत डीलरकडूनच प्लेट बसवून घ्या आणि लेझर कोडची खात्री नक्की करा.