Fact Check : खरंच, आयटी इंजिनिअरपेक्षा डिलिव्हरी बॉईज जास्त कमावतात?
मुंबई - आयटी क्षेत्र म्हणजे जास्त पगार आणि चांगलं जीवन असं मानलं जायचं, पण आता तसं राहिलं नाही. आता डिलिव्हरी बॉइज आयटीपेक्षा जास्त कमवतात, असे बोलले जाते. दोन्ही क्षेत्रांच्या कमाईची तुलना करून बघूया.
आईटी कर्मचाऱ्यांची परिस्थिती कशी बदलली
सॉफ्टवेअर इंजिनिअर... ऐकायला नाव छान वाटतं पण काम मात्र खूप कठीण. सॉफ्टवेअर जॉब म्हणजे खूप ताण असलेलं काम असं या क्षेत्रात काम करणारे सगळेच सांगतात. जॉब सेक्युरिटीही नसते. पण या क्षेत्रात चांगले पगार मिळतात म्हणून बरेच तरुण इंजिनिअरिंग झाल्यावर आयटी कंपन्यांमध्ये जातात.
एकेकाळी आयटीत नोकरी मिळणं म्हणजे भाग्यच. पण आता या क्षेत्रातल्या नोकऱ्यांचं नाव ऐकलं की भीती वाटते. मोठमोठ्या मल्टिनॅशनल आयटी कंपन्याही मोठ्या प्रमाणात कर्मचारी कमी करतायेत. मग छोट्या कंपन्यांची परिस्थिती वेगळी सांगायला नको. नुकतंच मायक्रोसॉफ्टने ९ हजार कर्मचारी कमी करणार असल्याचं जाहीर केलं. या वर्षाच्या पहिल्या सहा महिन्यांतच एक लाख आयटी नोकऱ्या गेल्याची आकडेवारी सांगते.
एकीकडे कर्मचारी कमी करतानाच आयटी कंपन्या दुसरीकडे नवीन कर्मचाऱ्यांना खूप कमी पगार देत आहेत. त्यामुळे सॉफ्टवेअर इंजिनिअर्सपेक्षा कॅब ड्रायव्हर्स आणि डिलिव्हरी बॉइज जास्त कमवतात असे सांगितले जाते 'नाव मोठं आणि उत्पन्न कमी' अशी झालीये सॉफ्टवेअरची अवस्था. इंजिनिअर म्हणून नाव मोठं असलं तरी पोटापुरते पैसे मिळतात असं सॉफ्टवेअर इंजिनिअर्सचं म्हणणं आहे.
टेक कर्मचाऱ्यांपेक्षा फूड डिलिव्हरी बॉइज जास्त कमवतात का?
आयटी क्षेत्रात दबावाखाली काम करणाऱ्या इंजिनिअर्सपेक्षा फूड डिलिव्हरी बॉइज जास्त कमवतात, असे सांगितले जाते. ऐकायला आश्चर्य वाटलं तरी हे खरं आहे. आयटीत टीम लीडरपेक्षाही फूड डिलिव्हरी कंपन्यांमध्ये प्रामाणिकपणे काम करणारे डिलिव्हरी बॉइज जास्त कमवतात. आयटी कर्मचाऱ्यांचे पगार आणि फूड डिलिव्हरी बॉइजची कमाई यांची तुलना करून बघूया.
बऱ्याच आयटी कर्मचाऱ्यांचा पगार हाच...
बऱ्याच आयटी कंपन्या नवीन कर्मचाऱ्यांना वर्षाला ३ ते ५ लाख रुपये पगार देतात. जवळपास ६० टक्के आयटी कर्मचाऱ्यांचे पगार असेच असतात. म्हणजे त्यांचा मासिक पगार २५ हजार ते ३५ हजार रुपयांपर्यंत असतो. काहींचा यातूनच पीएफ वगैरे कपातही होतो.
याच वेळी फूड डिलिव्हरी कंपन्यांमध्ये काम करणारे डिलिव्हरी बॉइज महिन्याला सहज ३० हजार रुपये कमवतात. चांगला रेटिंग असलेले आणि जास्त वेळ काम करणारे डिलिव्हरी बॉइज तर महिन्याला ५० हजार ते ६० हजार रुपये कमवतात.
फूड डिलिव्हरी बॉइजना एवढी कमाई कशी?
पीक आवर्स म्हणजे ट्रॅफिक जास्त असलेल्या वेळेत, खूप उन्हात, पावसात, रात्री फूड डिलिव्हरी केली तर जास्त पैसे मिळतात. अशा वेळेतच काही जण फूड डिलिव्हरी करायला उत्सुक असतात. असे हुशारीने विचार करणारे फूड डिलिव्हरी बॉइज आयटी कर्मचाऱ्यांपेक्षा जास्त कमवतात.
आयटी नोकरीसाठी डिग्री लागते, वेगवेगळे कम्प्युटर कोर्सेस केलेले असावे लागतात. मगच नोकरी मिळते. पण फूड डिलिव्हरी बॉइज म्हणून काम करायला हे काहीच लागत नाही. एक बाइक आणि स्मार्टफोन असला तरी चालतो. पण आयटी कर्मचाऱ्यांपेक्षा फूड डिलिव्हरी बॉइज जास्त कमवतात हे आश्चर्यकारक आहे.
या बाबतीत इंजिनिअरिंग नोकऱ्याच बेस्ट
फूड डिलिव्हरी बॉइजचं काम धोकादायक असतं. नेहमी वाहनावर ट्रॅफिकमध्ये फिरत असावं लागतं. त्यामुळे अपघाताचा धोका असतो. पण फूड डिलिव्हरी कंपन्या त्यांना कोणताही विमा देत नाहीत. पीएफ वगैरे इतर सुविधाही नसतात. जॉब सेक्युरिटी नसते. शारीरिक कष्ट जास्त असतात. दर महिन्याला अपेक्षित कमाई मिळत नाही. म्हणजे स्थिर उत्पन्न नसतं.
सॉफ्टवेअर कर्मचाऱ्यांना कंपन्या विमा, पीएफ वगैरे सुविधा देतात. त्यांना शारीरिक कष्ट नसतात. एसीत बसून कम्प्युटरवर काम करायचं असतं. पण मानसिक ताण जास्त असतो. दर महिन्याला स्थिर पगार मिळतो. त्यामुळे त्यानुसार आधीच नियोजन करता येतं.
