एल्सिड इन्व्हेस्टमेंट्स: व्यवहार नाही, तरीही ₹१ लाख चे ₹६७० कोटी

Busness News: देवाने द्यायचे ठरवले तर त्याला अंतच नसतो असे म्हणतात. एल्सिड इन्व्हेस्टमेंट्स कंपनीत गुंतवणूक केलेल्यांसाठी हे खरे ठरले आहे. काही महिन्यांपूर्वी पेनी स्टॉक म्हणून नाक मुरडणाऱ्यांना आज बीएसईवर या कंपनीचे लिस्टिंग झाले आहे. लिस्टिंग झाले आहे एवढेच नव्हे तर एमआरएफ कंपनीला मागे टाकून भारतातील सर्वात महाग शेअर बनला आहे. असे का झाले असेल तर, सेबीने नुकताच काढलेला एक परिपत्रक. भारतातील बाजारपेठेतील इन्व्हेस्टमेंट कंपन्यांची मूळ किंमत काय आहे हे शोधण्याचा निर्णय बीएसईने घेतला होता. त्यानुसार, एल्सिड इन्व्हेस्टमेंटचा प्रत्येक शेअरची किंमत २.२५ लाख रुपये आहे हे समोर आले.

स्मॉलकॅप स्टॉकने दलाल स्ट्रीटवर इतिहास रचला आहे. शेअरची किंमत एकाच दिवसात ३.५३ रुपयांवरून २,३६,२५० रुपयांपर्यंत वाढली. एकाच दिवसात तब्बल ६६,९२,५३५% वाढ. दरम्यान, २९ ऑक्टोबर रोजी बीएसईवरील एमआरएफचे शेअर्स ०.६१% घसरून १.२२ लाख रुपयांवर आले. आणखी आश्चर्याची गोष्ट म्हणजे, एल्सिडची सर्वोच्च ट्रेडिंग किंमत ४.५८ लाख रुपये होती, तर शोधलेली किंमत फक्त २.२५ लाख रुपये होती, असे बीएसईने म्हटले आहे.

बीएसईने २८ ऑक्टोबर रोजी होल्डिंग कंपन्यांच्या किमती शोधण्यासाठी लिलाव आयोजित केला होता. यानुसार, चार महिन्यांपूर्वी या स्टॉकमध्ये १ लाख रुपये गुंतवले असते तर आज ते ६७० कोटी रुपये झाले असते. सोशल मीडियावर एल्सिड इन्व्हेस्टमेंट कंपनीच्या शेअरमध्ये एवढे नशीब बदलणार आहे अशी कोणाचीही अपेक्षा नव्हती हे व्हायरल झाले आहे.

जून २०२४ च्या सेबीच्या परिपत्रकात इन्व्हेस्टमेंट कंपन्या (IC) आणि इन्व्हेस्टमेंट होल्डिंग कंपन्या (IHC) च्या किमती शोधण्यासाठी नवीन प्रक्रिया सुचवण्यात आली आहे. अनेक IC आणि IHC त्यांच्या बुक व्हॅल्यूपेक्षा खूपच कमी किमतीत व्यवहार करत असल्याचे सेबीने निदर्शनास आणून दिले आहे.

लिक्विडिटी, योग्य किंमत शोधणे आणि अशा कंपन्यांच्या शेअर्समध्ये गुंतवणूकदारांचा रस वाढवण्यासाठी, सेबीने या शेअर्ससाठी "प्राइस बँडशिवाय विशेष कॉल लिलाव" ची चौकट आणली. तसे, एल्सिडने २९ ऑक्टोबर रोजी २.२५ लाख रुपयांवर व्यवहार सुरू केला. ही त्याच्या बुक व्हॅल्यूपेक्षा निम्मी आहे.

कंपनीचे उत्पन्न कसे?: जून तिमाहीत कंपनीचा निव्वळ नफा जून २०२४ मध्ये १३५.९५ कोटी रुपये होता, जो जून २०२३ मधील ९७.४१ कोटी रुपयांपेक्षा ३९.५७% जास्त आहे. जून २०२४ मध्ये निव्वळ विक्री १७७.५३ कोटी रुपये होती, जी जून २०२३ मधील १२८.३८ कोटी रुपयांपेक्षा ३८.२८% जास्त आहे. एल्सिड इन्व्हेस्टमेंट्स ही आरबीआयकडे इन्व्हेस्टमेंट कंपनी म्हणून नोंदणीकृत NBFC आहे. कंपनी सध्या कोणताही व्यवसाय करत नाही, परंतु एशियन पेंट्ससारख्या इतर मोठ्या कंपन्यांमध्ये तिची मोठी गुंतवणूक आहे. या कंपनीच्या नफ्याचा मुख्य स्रोत म्हणजे तिच्या होल्डिंग कंपन्यांकडून मिळणारा लाभांश. कंपनीकडे ११,००० कोटी रुपयांपेक्षा जास्त गुंतवणूक आहे.