Eid Special: या सोप्या पद्धतीने हॉटेलसारखे हैदराबादी हलीम घरीच बनवा, करा दावत

Eid Special: रमजान महिना म्हटलं की उपवास आणि प्रार्थनेसोबतच डोळ्यासमोर येते ते म्हणजे गरमागरम हलीम. पण हलीम खायचे असेल तर हॉटेलमध्येच जावं लागतं असं नाही. तुम्ही अगदी सोप्या पद्धतीने घरीही हैदराबादी हलीम बनवू शकता.

Image Credit : Gemini AI

हलीमसाठी लागणारे साहित्य

या डिशसाठी गहू, मटण किंवा चिकन, चणा डाळ, उडीद डाळ आणि मूग डाळ लागते. सोबतच कांदा, हिरवी मिरची, आलं-लसूण पेस्ट, तिखट, काळी मिरी पूड आणि हळद असे मसाले वापरतात. लवंग, वेलची, दालचिनीमुळे छान सुगंध येतो. शेवटी कोथिंबीर, पुदिना, तूप आणि लिंबाचा रस चव आणखी वाढवतात.

Image Credit : freepik

अशी करा पूर्वतयारी

सुरुवातीला गहू आणि डाळी स्वच्छ धुवून एक-दोन तास भिजवून ठेवा. त्याचवेळी, मटण कुकरमध्ये आलं-लसूण पेस्ट, मीठ, तिखट आणि हळद घालून मऊ शिजवून घ्या. मटण चांगलं शिजलं तरच हलीमला छान टेक्सचर येतो.

Image Credit : Getty

हलीम बनवण्याची पद्धत

भिजवलेले गहू आणि डाळी कुकरमध्ये शिजवून मऊ करून घ्या. नंतर एका भांड्यात तूप किंवा तेल गरम करून कांदा तळा. त्यात लवंग, दालचिनी, वेलची घालून सुगंध येईपर्यंत परता. आता आलं-लसूण पेस्ट आणि हिरवी मिरची घालून मिक्स करा. शिजवलेलं मटण आणि गहू-डाळीचं मिश्रण त्यात घालून चांगलं एकत्र करा आणि मंद आचेवर शिजू द्या. या टप्प्यावर मटणाचे तुकडे पूर्णपणे एकजीव होईपर्यंत मिश्रण घोटणं महत्त्वाचं आहे. यासाठी तुम्ही रवी किंवा हँड ब्लेंडर वापरू शकता. झाली गरमागरम हलीम तयार!

Image Credit : our own

हलीम खाण्याचे फायदे

हलीममध्ये गहू, डाळी आणि मांस असल्यामुळे शरीराला पटकन ऊर्जा मिळते. यात प्रोटीन भरपूर असल्याने स्नायू मजबूत होतात. हे मऊ शिजवलेले असल्यामुळे पचायला खूप सोपे असते. उपवासानंतर हलीम खाल्ल्यास शरीराला त्वरित ताकद मिळते. म्हणूनच रमजानमध्ये हलीमला खास महत्त्व आहे.