Budget Scooters: मध्यमवर्गीय कुटुंबाला परवडणारी स्कूटर! किंमत लाखापेक्षा कमी...
Budget Scooters: मध्यमवर्गीय कुटुंबांसाठी कोणती स्कूटर बेस्ट ठरेल? या बातमीत आपण 1 लाख रुपयांपेक्षा कमी किमतीत येणाऱ्या टॉप 5 स्कूटर्स, त्यांच्या किमती आणि फीचर्सबद्दल सविस्तर जाणून घेऊया.
बजेटमधील टॉप 5 स्कूटर्स
मध्यमवर्गीय कुटुंबांसाठी स्कूटर हे एक सोयीस्कर वाहन आहे. ऑफिसला जाण्यासाठी किंवा बाजारात जाण्यासाठी स्कूटर खूप उपयोगी पडते. या गॅलरीमध्ये आपण 1 लाख रुपयांपेक्षा कमी किमतीत उपलब्ध असलेल्या टॉप 5 स्कूटर्सबद्दल जाणून घेऊया.
टीव्हीएस एनटॉर्क 125 (TVS Ntorq 125)
TVS Ntorq 125 तरुणांना आकर्षित करण्यासाठी डिझाइन केली आहे. यात 124.8 सीसी, 3-व्हॉल्व्ह इंजिन आहे. ही स्कूटर 40 ते 50 किमी प्रति लिटर मायलेज देते. तिचा टॉप स्पीड ताशी 95 किमी आहे. यात ब्लूटूथ कनेक्टिव्हिटीसारखे फीचर्सही आहेत. या स्कूटरच्या बेसिक व्हेरिएंटची एक्स-शोरूम किंमत 96,600 रुपये आहे.
होंडा ॲक्टिव्हा 6जी (Honda Activa 6G)
Honda Activa 6G ही भारतातील नंबर 1 स्कूटर आहे. ही स्कूटर एका लिटरमध्ये 55 किमीपर्यंत मायलेज देते. याच्या टॉप व्हेरिएंटमध्ये 'स्मार्ट की' फीचर आहे, ज्यामुळे चावी न लावता गाडी सुरू करता येते. टेलिस्कोपिक सस्पेन्शनमुळे खडबडीत रस्त्यांवरही गाडी चालवणं सोपं होतं. याच्या स्टँडर्ड व्हेरिएंटची एक्स-शोरूम किंमत फक्त 79,387 रुपये आहे, तर ऑन-रोड किंमत 97,267रुपये आहे.
सुझुकी ॲक्सेस 125 (Suzuki Access 125)
Honda Activa ला टक्कर देणाऱ्या Suzuki Access 125 मध्ये 125 सीसी इंजिन आहे, ज्यामुळे तिचा पिकअप उत्तम आहे. ब्लूटूथ कनेक्टिव्हिटीमुळे डिस्प्लेवर नेव्हिगेशन, मिस्ड कॉल आणि मेसेज अलर्ट मिळतात. यात मोबाईल चार्जिंगची सोयही आहे. या स्कूटरच्या बेसिक व्हेरिएंटची किंमत 1 लाख 02 हजार 400 रुपये आहे, पण ऑफर्समध्ये ही किंमत आणखी कमी होऊ शकते.
यामाहा फॅसिनो 125 एफआय हायब्रिड (Yamaha Fascino 125 Fi Hybrid)
Yamaha Fascino 125 Fi Hybrid चे वजन फक्त 99 किलो आहे, त्यामुळे महिलांना ही स्कूटर चालवणं खूप सोपं जातं. यात 125 सीसी, एअर-कूल्ड, बीएस6 इंजिन आहे. ही स्कूटर जवळपास 65 किमी प्रति लिटर मायलेज देते, ज्यामुळे ती सर्वोत्तम मायलेज देणाऱ्या स्कूटर्सपैकी एक आहे. या मॉडेलची ऑन-रोड किंमत 92,500 रुपये आहे.
हिरो झूम 110 (Hero Xoom 110)
Hero Xoom 110 मध्ये 'कॉर्नर बेंड लॅम्प्स' हे एक खास फीचर आहे, जे इतर स्कूटर्समध्ये नाही. तुम्ही गाडी वळवताना, वळणाच्या दिशेने आपोआप लाईट पडतो. रात्रीच्या प्रवासासाठी हे खूप सुरक्षित आहे. X-आकाराचे LED दिवे तिला एक वेगळा लुक देतात. रुंद टायर्समुळे चांगली पकड मिळते. ही स्कूटर एका लिटरमध्ये 50 किमी मायलेज देते. या मॉडेलची ऑन-रोड किंमत 86,500 रुपये आहे.
