bank jobs : पदवीधरांसाठी बँकेत प्रशिक्षणार्थी संधी!, पगारही चांगला, कसा अर्ज कराल?

bank jobs : बँक ऑफ महाराष्ट्रने (Bank Of Maharashtra) पदवीधरांसाठी ६०० शिकाऊ (Apprentice) पदांची घोषणा केली आहे. १५ जानेवारी २०२६ पासून ऑनलाइन अर्ज करता येईल. एक वर्षाचे प्रशिक्षण आणि दरमहा १२,३०० रुपये विद्यावेतन (stipend) दिले जाईल.

Image Credit : social media

बँकेत नोकरीची संधी

बँकिंग क्षेत्रात थेट प्रशिक्षण घेऊ इच्छिणाऱ्या तरुणांसाठी एक उत्तम संधी आहे. बँक ऑफ महाराष्ट्रने (Bank of Maharashtra) ६०० शिकाऊ (Apprentice) पदांसाठी अर्ज प्रक्रिया आज, १५ जानेवारी २०२६ पासून सुरू केली आहे. इच्छुक पदवीधर बँकेच्या अधिकृत वेबसाइट bankofmaharashtra.in वरून ऑनलाइन अर्ज करू शकतात. अर्ज सादर करण्याची अंतिम तारीख २५ जानेवारी २०२६ आहे.

Image Credit : unsplash

महत्वाचे तपशील

निवड झालेल्या उमेदवारांना एक वर्षाचे प्रशिक्षण दिले जाईल. या प्रशिक्षण काळात दरमहा १२,३०० रुपये विद्यावेतन (Stipend) म्हणून दिले जाईल. एकूण ६०० जागांपैकी, सर्वसाधारण प्रवर्गासाठी ३०२ जागा, इतर मागासवर्गीयांसाठी (OBC) १३३ जागा, अनुसूचित जाती (SC) साठी ६९ जागा, अनुसूचित जमाती (ST) साठी ४६ जागा आणि आर्थिकदृष्ट्या दुर्बळ घटकांसाठी (EWS) ५० जागा राखीव आहेत.

Image Credit : Getty

कोण अर्ज करू शकतो?

उमेदवारांचे वय २० ते २८ वर्षांच्या दरम्यान असावे. कोणत्याही शाखेतील पदवी (Bachelor's Degree) असणे आवश्यक आहे. तसेच, अर्ज करत असलेल्या राज्याची स्थानिक भाषा लिहिता, वाचता आणि बोलता येणे आवश्यक आहे. याचा उल्लेख तुमच्या १०वी किंवा १२वीच्या गुणपत्रिकेत असावा.

Image Credit : Getty

अर्ज करण्याची पद्धत

1. सर्वप्रथम बँकेच्या bankofmaharashtra.in या वेबसाइटवर जा.

2. तेथील "Current openings" या सेक्शनवर जा.

3. "Online application for Engagement of Apprentices" या शीर्षकाखालील "Apply online" निवडा.

4. नवीन वापरकर्त्यांनी नोंदणी करून तपशील भरा आणि अर्ज सादर करा.

अधिक माहितीसाठी बँकेच्या अधिकृत वेबसाइटवरील सविस्तर सूचना वाचा.