- Home
- Utility News
- Amazon Office : ॲमेझॉनने भारतात या ठिकाणी थाटलं आशियातील दुसरं सर्वात मोठं ऑफिस, पाहा खास फोटो
Amazon Office : ॲमेझॉनने भारतात या ठिकाणी थाटलं आशियातील दुसरं सर्वात मोठं ऑफिस, पाहा खास फोटो
Amazon Office : ॲमेझॉनने बंगळुरूत आशियातील आपलं दुसरं सर्वात मोठं कॉर्पोरेट ऑफिस सुरू केलं आहे. ११ लाख चौरस फूट जागेवर पसरलेल्या या १२ मजली कॅम्पसमध्ये ७,००० पेक्षा जास्त कर्मचाऱ्यांसाठी कामाची सोय असेल.
पाच एकर जागा
पाच एकर जागेवर बांधलेली ही इमारत केम्पेगौडा आंतरराष्ट्रीय विमानतळापासून फक्त १५ किलोमीटर अंतरावर आहे. कर्नाटकचे उद्योग आणि पायाभूत सुविधा विकास मंत्री एम.बी. पाटील यांनी या कॅम्पसचं उद्घाटन केलं.
आतापर्यंत ४० अब्ज डॉलर्सची गुंतवणूक
हा नवीन कॅम्पस कर्मचाऱ्यांमध्ये सहकार्य, शिकण्याची संधी आणि कामासाठी चांगलं वातावरण निर्माण करण्याच्या उद्देशाने डिझाइन केला आहे. कंपनीने भारतात आतापर्यंत ४० अब्ज डॉलर्सची गुंतवणूक केली असून, २०३० पर्यंत ३५ अब्ज डॉलर्सची गुंतवणूक करण्याची घोषणा केली आहे.
नोकरीच्या संधी
मंत्री एम.बी. पाटील म्हणाले की, ॲमेझॉनच्या या गुंतवणुकीमुळे भारताची तांत्रिक नवनिर्मितीची क्षमता वाढत आहे. अशा मोठ्या कॅम्पसमधून उच्च दर्जाच्या नोकरीच्या संधी निर्माण होतात.
भारत ॲमेझॉनसाठी नेहमीच महत्त्वाचा
ॲमेझॉन इंडियाचे कंट्री मॅनेजर समीर कुमार म्हणाले की, भारत ॲमेझॉनसाठी नेहमीच महत्त्वाचा राहिला आहे. बंगळुरू शहराने आमच्या वाढीत मोलाची भूमिका बजावली आहे. आम्ही पायाभूत सुविधा, तंत्रज्ञान आणि प्रतिभेमध्ये गुंतवणूक करत राहू.
कॅम्पसमध्ये अनेक सुविधा
या कॅम्पसमध्ये आधुनिक ऑफिस, मीटिंग हॉल, विश्रांतीची जागा, बास्केटबॉल आणि पिकलबॉल कोर्ट, ॲम्फीथिएटर आणि कॅफेटेरिया अशा अनेक सुविधा आहेत. कार्बन उत्सर्जन कमी करण्याच्या उद्देशाने ही इमारत बांधली आहे. २०४० पर्यंत नेट-झिरो कार्बनचं लक्ष्य गाठण्यासाठी ॲमेझॉन कटिबद्ध आहे.
