IPL 2025 मध्ये RCB चा प्लेऑफमध्ये प्रवेश, जाणून घ्या 18 कसा आहे लकी नंबर

१८वी आवृत्ती, कोहलीचा जर्सी नंबर १८ आणि आता प्लेऑफमध्ये प्रवेश मिळाल्याची तारीखही १८ मे. अंकशास्त्रानुसार १८ हा आरसीबीसाठी लकी नंबर असल्याचे बोलले जात आहे.

आयपीएल २०२५ मध्ये आरसीबीने प्लेऑफमध्ये स्थान मिळवले आहे. यावेळी आरसीबी ट्रॉफी जिंकण्यासाठीचा प्रमुख दावेदार मानला जात आहे. आरसीबीचा खेळही चांगला झाला आहे. त्यामुळे चाहत्यांचा आत्मविश्वासही वाढला आहे. आता आरसीबीच्या कामगिरीसोबतच नशीबही साथ देत आहे. कारण अंकशास्त्रानुसार आरसीबीचा लकी नंबर १८ आहे. आता आरसीबीचे सर्व महत्त्वाचे टप्पे १८ मध्येच येत आहेत. प्लेऑफमध्ये पोहोचल्याची तारीखही १८ मे आहे.

आयपीएलच्या १८व्या आवृत्तीत आरसीबी ट्रॉफी जिंकेल अशी चर्चा रंगत आहे. कारण १८ हा नंबर. विराट कोहलीचा जर्सी नंबर १८. आयपीएल अंतिम सामन्याची तारीख ३ जून. या तारखेतील अंकांची बेरीज १८. आता १८ मे रोजी आरसीबीने आयपीएल प्लेऑफमध्ये स्थान मिळवले आहे. १७ मे रोजी आरसीबी आणि केकेआर यांच्यातील सामना पावसामुळे रद्द झाला होता. त्यामुळे गणित बदलले होते. पण १८ मे रोजी दिल्ली आणि गुजरात यांच्यातील सामन्याचा निकाल लागल्यानंतर आरसीबीचे प्लेऑफमधील स्थान निश्चित झाले. १७ मे ऐवजी आरसीबीने १८ तारखेला प्लेऑफमधील स्थान निश्चित केले.

आरसीबीला ट्रॉफी मिळेल असे अंकशास्त्र सांगते.
आरसीबीने प्लेऑफमध्ये स्थान मिळवल्याची तारीख: १८ मे
आयपीएल अंतिम सामन्याची तारीख: ०३-०६-२०२५
६+३+२+०+२+५ = १८
विराट कोहलीचा जर्सी नंबर= १८
आयपीएल २०२५ = १८वी आवृत्ती
आरसीबीचे पहिले इंग्रजी अक्षर R = इंग्रजी वर्णमालेतील १८ वे अक्षर

आरसीबीची कामगिरी, नशीब, चाहत्यांच्या शुभेच्छा सर्व काही संघासोबत आहे. त्यामुळे १८व्या आवृत्तीत आरसीबी ट्रॉफी जिंकण्याची शक्यता वाढत आहे. १८ ची शक्ती आता संघाचा आत्मविश्वास वाढवेल. आयपीएलच्या इतिहासात आरसीबी एक नवा अध्याय लिहिण्यास सज्ज झाली आहे.

आरसीबीचे लीग फेरीत आणखी दोन सामने आहेत. २३ मे रोजी सनरायझर्स हैदराबादविरुद्ध बेंगळुरूमध्ये सामना खेळणार आहे. या सामन्यालाही पावसाचा धोका आहे. लीगचा शेवटचा सामना २७ मे रोजी लखनौ सुपरजायंट्सविरुद्ध लखनौमध्ये खेळणार आहे.

सध्या गुणतालिकेत रॉयल चॅलेंजर्स बेंगळुरू दुसऱ्या स्थानावर आहे. पहिल्या स्थानावर गुजरात टायटन्स आहे. पंजाब किंग्ज तिसऱ्या स्थानावर आहे. या तीन संघांनी आयपीएल २०२५ प्लेऑफमध्ये स्थान मिळवले आहे. आणखी एका स्थानासाठी तीन संघांमध्ये चुरस निर्माण झाली आहे.