Asia Cup 2025 India vs Pakistan भारत पाकिस्तान हायहोल्टेज सामन्यात पाकिस्तानचे खेळाडू भारतीय खेळाडूंवर धावून गेल्याच्या घटना घडल्या. यावेळी भारतीय खेळाडूंनी जशास तसे उत्तर दिले. पाकिस्तानला त्याची जागा दाखवून दिली.
Asia Cup 2025 India vs Pakistan : भारताने पाकिस्तानवर ६ गडी राखून रोमहर्षक विजय मिळवला. त्यापूर्वी पाकिस्तानने भारताला १७२ धावांचे लक्ष्य दिले. या लक्ष्याचा पाठलाग करताना भारतीय सलामीवीर अभिषेक शर्मा आणि शुभमन गिलने आक्रमक सुरुवात केली. पहिल्या पाच ओव्हरमध्ये भारताने ५५ धावा केल्या. अभिषेक शर्माने सामन्याच्या पहिल्या बॉलवरच शाहीन आफ्रिदीला सिक्स ठोकून जोरदार सुरुवात केली, तर शुभमन गिलने सतत फोर मारत प्रतिस्पर्ध्यांवर दबाव आणला. या दरम्यान, मैदानावर दोन्ही संघांमध्ये तणाव निर्माण झाला. अभिषेक शर्मा आणि हॅरीस रौफ यांच्यात वाद झाला आणि दोन्ही खेळाडू एकमेकांवर धावून गेले. अखेर एम्पायरने रौफला रोखत मागे पाठवले आणि वाद मिटला.
सुरुवातीच्या ओव्हरमध्येच भारताच्या सलामीवीरांनी आक्रमक खेळी सुरू केली. शुभमन गिलने शाहीन आफ्रिदीच्या बॉलवर सलग फोर मारल्यावरही वाद निर्माण झाला. गिलने हाताने बॉल कुठे गेला हे दाखवले आणि शाहीन आफ्रिदीने याला गंभीर प्रतिसाद दिला. या दरम्यान अभिषेक शर्मा देखील तणावात आला आणि धाडसी खेळी करत होता. मैदानात खेळाडूंची धावपळ आणि बाचाबाची वाढली, ज्यामुळे प्रेक्षकांच्या नजर लागलेल्या क्षणांमध्ये थरार निर्माण झाला. हॅरीस रौफ पाचव्या ओव्हरमध्ये मैदानावर आला आणि शुभमन गिलने त्याच्या बॉलवर फोर मारल्यावर मोठा वाद उभा राहिला. यावेळी हॅरीस रौफ गिल आणि अभिषेक शर्माच्या दिशेने धावत गेला. त्यानंतर दोन्ही भारतीय खेळाडू देखील रौफकडे धावले आणि मैदानावर थरारपूर्ण बाचाबाची सुरू राहिली. या घटनेचा व्हिडिओ सोशल मीडियावर व्हायरल झाला आहे, ज्यामुळे चाहत्यांमध्ये चर्चा रंगली आहे.
Related Articles
भारताची प्लेइंग इलेव्हन:
सूर्यकुमार यादव (कॅप्टन), अभिषेक शर्मा, शुभमन गिल, तिलक वर्मा, संजू सॅमसन (विकेटकीपर), शिवम दुबे, हार्दिक पंड्या, कुलदीप यादव, अक्षर पटेल, वरुण चक्रवर्ती, जसप्रित बुमरा
पाकिस्तानची प्लेइंग इलेव्हन:
सैम अयुब, साहिबजादा फरहान, फखर जमान, सलमान आघा (कॅप्टन), हुसैन तलत, मोहम्मद हारिस (विकेटकीपर), मोहम्मद नवाज, फहीम अश्रफ, शाहीन आफ्रिदी, हारिस रौफ, अबरार अहमद
