- Home
- Maharashtra
- MHADA House: म्हाडाचं घर घ्यायचंय? या 5 गोष्टी लक्षात ठेवल्या नाहीत, तर स्वप्नातील घर बनू शकतं त्रासदायक!
MHADA House: म्हाडाचं घर घ्यायचंय? या 5 गोष्टी लक्षात ठेवल्या नाहीत, तर स्वप्नातील घर बनू शकतं त्रासदायक!
Dream Home with MHADA: म्हाडा लॉटरी जिंकल्यानंतर घर खरेदीचा निर्णय घाईत घेऊ नका. घर खरेदी करण्यापूर्वी फ्लोअर प्लॅन, लोकेशन, प्रत्यक्ष साईटची पाहणी, अतिरिक्त खर्च आणि पार्किंगची सोय या पाच महत्त्वाच्या बाबींची खात्री करणे आवश्यक आहे.
घर खरेदी करण्यापूर्वी घाई न करता नीट विचार करुनच निर्णय घ्या
मुंबई: पुण्यासारख्या शहरांत स्वतःचं घर घेणं म्हणजे आयुष्यभराची सर्वात मोठी गुंतवणूक. त्यामुळे घर खरेदी करण्यापूर्वी घाई न करता नीट विचार करणे गरजेचे आहे. म्हाडाच्या घरांना स्वस्त किंमत, सरकारी हमी आणि सुरक्षित व्यवहार अशी अनेक वैशिष्ट्यं आहेत. पण फक्त लॉटरी जिंकलो म्हणून लगेच निर्णय घेतला, तर नंतर पश्चातापाची वेळ येऊ शकते. स्वप्नातील घर खरंच आरामदायी आणि सुखसोयींनी युक्त असेल, यासाठी खरेदीपूर्वी पाच महत्त्वाचे पैलू तपासणं अत्यावश्यक आहे.
1) फ्लोअर प्लॅन नीट समजून घ्या
घर किती चौरस फूटाचं आहे हे महत्त्वाचं असलं, तरी हॉल, बेडरूम, किचन आणि टॉयलेटची मांडणी अधिक महत्त्वाची असते.
खिडक्या कमी असल्या, तर प्रकाश आणि हवा मिळणार नाही.
टॉयलेट थेट बेडरूममध्ये असल्यास प्रायव्हसी बिघडते.
म्हणून फक्त साईज न पाहता मांडणी योग्य आहे का, हे नक्की तपासा.
2) लोकेशनचं भान ठेवा
घर स्वस्त मिळालं म्हणून घेतलं, पण ऑफिस, शाळा, हॉस्पिटल किंवा मार्केट दूर असेल तर दैनंदिन जीवन त्रासदायक ठरू शकतं. परिसराचा विकास भविष्यात घराची किंमत वाढवतो. त्यामुळे योग्य लोकेशन निवडणं अत्यंत गरजेचं आहे.
3) साईट विजिट केल्याशिवाय निर्णय घेऊ नका
वेबसाईटवर दिसणारं सुंदर लेआउट कागदावर मर्यादित असू शकतं. म्हणून साईट विजिट करून प्रत्यक्ष बांधकामाची क्वालिटी, पाणीपुरवठा, लिफ्टची स्थिती आणि कॉमन एरिया यांचा आढावा घेणं आवश्यक आहे.
4) लपलेले खर्च आधीच समजून घ्या
जाहिरातीतली किंमत पाहून खुश होऊ नका! वास्तविक खर्चात स्टॅम्प ड्युटी, रजिस्ट्रेशन फी, डेव्हलपमेंट चार्जेस, मेंटेनन्स आणि पार्किंग फी यांचा समावेश असतो. हे लक्षात न घेतल्यास बजेट पूर्ण बिघडू शकतं.
5) गाडी पार्किंगची खात्री करून घ्या
म्हाडाच्या प्रोजेक्टमध्ये रिझर्व पार्किंग हमखास मिळत नाही. कार असेल तर बिल्डरकडून पार्किंग मिळेल का, हे आधी तपासून घ्या. रिझर्व पार्किंग असलेलं प्रोजेक्ट निवडणं भविष्यातील सोयीसाठी उत्तम ठरेल.
शेवटचं महत्त्वाचं
घर म्हणजे फक्त चार भिंती नव्हे, तर आयुष्यभराची स्वप्नं, सुरक्षितता आणि समाधान. म्हणूनच म्हाडाचे घर घेण्यापूर्वी फ्लोअर प्लॅन, लोकेशन, साईट विजिट, अतिरिक्त खर्च आणि पार्किंग या सगळ्या बाबी तपासूनच निर्णय घ्या. संयमाने घेतलेला निर्णयच खरं समाधान देणारा ठरतो.
