Maharashtra Weather Alert: थंडीचा हाहाकार! महाराष्ट्रात पारा घसरला, हवामान विभागाकडून 'या' जिल्ह्यांना विशेष अलर्ट; विदर्भ-मराठवाड्यात गारठा वाढला!

Maharashtra Weather Alert: नोव्हेंबरच्या पावसानंतर महाराष्ट्रात थंडीचे जोरदार आगमन झाले असून उत्तर महाराष्ट्रात पारा 10°C पर्यंत घसरला आहे. मराठवाडा आणि विदर्भातही तापमानात घट झाली असून, हवामान विभागाने आगामी दिवसांत थंडी वाढण्याचा अंदाज वर्तवला आहे.

Image Credit : Getty

महाराष्ट्रात पारा घसरला

मुंबई: नोव्हेंबरच्या पहिल्या आठवड्यातील सततच्या पावसानंतर महाराष्ट्रात थंडीचे जोरदार आगमन झाले आहे. उत्तर महाराष्ट्रात हाडं गोठवणारी थंडी भासत असून, मराठवाडा आणि विदर्भातही तापमानात घट पाहायला मिळत आहे. 9 नोव्हेंबरसाठी राज्यभरातील हवामान परिस्थिती पाहूया. 

तपशीलवार जिल्हानिहाय हवामान अंदाज व चेतावणीसाठी कृपयाhttps://t.co/jw7yrf9chD भेट घ्या. pic.twitter.com/1z51z4Y8J0

— Regional Meteorological Center,Mumbai (@RMC_Mumbai) November 8, 2025

Image Credit : Getty

मुंबई आणि कोकण

मुंबई शहर व उपनगरांमध्ये आकाश निरभ्र राहणार आहे. कमाल तापमान 32°C तर किमान तापमान 22°C राहण्याची शक्यता आहे. कोकणात तुलनेने थंडी कमी जाणवेल. 

Image Credit : our own

पश्चिम महाराष्ट्र

पुण्यात किमान तापमान 16°C पर्यंत खाली गेले आहे, तर कोल्हापूरमध्ये 19°C इतके राहणार आहे. राज्यभर पावसाने माघार घेतली आहे.

Image Credit : Getty

उत्तर महाराष्ट्र

उत्तर भारतातील बर्फवृष्टीमुळे जळगावमध्ये पारा केवळ 10°C पर्यंत घसरेल. नाशिकमध्ये किमान तापमान 12°C इतके राहण्याची शक्यता आहे.

Image Credit : Getty

मराठवाडा

जालना, संभाजीनगर, परभणीमध्ये किमान तापमान 13-15°C दरम्यान राहणार आहे. नांदेड, धाराशिव, लातूर, हिंगोली व बीडमध्येही थंडी कायम राहणार आहे. 

Image Credit : Getty

विदर्भ

अमरावतीत तापमान 13°C पर्यंत उतरले आहे, तर नागपूरमध्ये 15°C आसपास राहणार आहे. आगामी दिवसांत राज्यभर थंडी वाढण्याची शक्यता आहे. 

Image Credit : Getty

महाराष्ट्र गारठला

सध्या नाशिक, मराठवाडा आणि विदर्भात थंडीचा जोर जास्त आहे. पश्चिम महाराष्ट्रात सौम्य तर कोकणात थंडी नगण्य आहे. हवामान विभागाने संबंधित जिल्ह्यांसाठी इमरजन्सी अलर्ट जारी केला आहे.