- Home
- Maharashtra
- Ladki Bahin Yojana: नवरात्रीपूर्वी महिलांच्या खात्यात येणार 3000 रुपये?, जाणून घ्या नविन अपडेट
Ladki Bahin Yojana: नवरात्रीपूर्वी महिलांच्या खात्यात येणार 3000 रुपये?, जाणून घ्या नविन अपडेट
Ladki Bahin Yojana: लाडकी बहिण योजनेअंतर्गत ऑगस्ट आणि सप्टेंबर महिन्यांचे हप्ते अद्याप मिळालेले नाहीत, ज्यामुळे महिलांमध्ये चिंता आहे. मात्र, प्रशासनाकडून दोन्ही हप्ते मिळून 3000 रुपये लवकरच जमा होण्याची शक्यता वर्तवण्यात आली आहे.
Ladki Bahin Yojana: सणासुदीच्या काळात अनेक महिलांना अपेक्षित आर्थिक मदत वेळेवर न मिळाल्याने नाराजीचं वातावरण पाहायला मिळालं आहे. रक्षाबंधनापूर्वी जुलै महिन्याचा हप्ता जमा झाला असला, तरी ऑगस्ट आणि सप्टेंबर या दोन महिन्यांचा हप्ता अद्यापही बँक खात्यांमध्ये जमा झालेला नाही. त्यामुळे अनेक महिलांमध्ये अस्वस्थता आणि चिंता वाढली आहे.
गणेशोत्सवाच्या तोंडावर हप्ता न मिळाल्याने नाराजी निर्माण झाली होती. मात्र आता प्रशासनाकडून दिलासा देणारी बातमी समोर आली आहे. वरिष्ठ अधिकाऱ्यांच्या माहितीनुसार, ऑगस्ट व सप्टेंबर या दोन्ही महिन्यांचे हप्ते एकत्र करून तब्बल 3000 रुपये याच महिन्यात खात्यांमध्ये जमा होण्याची शक्यता आहे.
सरकारने पूर्वीच जाहीर केल्याप्रमाणे प्रत्येक महिन्याचा हप्ता पुढील महिन्याच्या पहिल्या आठवड्यात देण्याचं आश्वासन दिलं होतं. पण सप्टेंबरमध्येही रक्कम न मिळाल्याने महिलांमध्ये संभ्रमाचं वातावरण होतं.
26 लाख अर्ज अपात्र ठरले; स्क्रुटनी प्रक्रिया अंतिम टप्प्यात
प्रशासनाकडून सुरू असलेल्या पडताळणी प्रक्रियेमुळेही काहीसा उशीर झाला आहे. अनेक अर्जांमध्ये अटींचं पालन न झाल्याने सुमारे 26 लाख अर्ज अपात्र ठरवण्यात आले आहेत. या अपात्र लाभार्थ्यांवर लवकरच कारवाई होणार असल्याची माहिती आहे.
बँक खात्यांची अडचण आणि पर्यायी उपाय
अनेक महिलांकडे स्वतःचं बँक खाते नसल्याने पैसे त्यांच्या घरातील पुरुष सदस्यांच्या खात्यावर वर्ग करण्याची प्रक्रिया सुरू आहे. त्यामुळे या प्रक्रियेत थोडा वेळ लागतो आहे.
लाडकी बहीण योजनेअंतर्गत सुरुवातीला 2 कोटी 63 लाख महिलांनी नोंदणी केली होती. मात्र, अंमलबजावणीपूर्वीच्या पडताळणी प्रक्रियेनंतर पात्र महिलांची संख्या 2 कोटी 44 लाखांवर आली आहे. ही मोठ्या प्रमाणावरची नोंदणी व तपासणी यामुळे वितरण प्रक्रियेला थोडा उशीर झाला असला, तरी सरकारकडून ऑगस्ट-सप्टेंबरचे हप्ते एकत्र देण्याचा निर्णय झाल्यास महिलांना मोठा दिलासा मिळू शकतो.
रक्कम मिळण्याची तारीख अजूनही प्रतीक्षेत
सद्यस्थितीत रक्कम जमा होण्याची अधिकृत तारीख जाहीर झालेली नाही, मात्र याच महिन्यात दोन महिन्यांचा एकत्रित हप्ता मिळण्याची शक्यता असल्यामुळे महिलांमध्ये आशेचा किरण दिसतो आहे.
