हेअर स्ट्रेटनिंगमुळे तरुणीला उलट्या, चक्कर आणि तीव्र डोकेदुखी, अखेर किडनी फेल!
Teen Suffers Kidney Failure After Hair Straightening : हेअर स्ट्रेटनिंगनंतर उलट्या, चक्कर आणि तीव्र डोकेदुखीचा त्रास झालेल्या मुलीची किडनी फेल झाली. तिला अनेक दिवस बाल विभागात दाखल करण्यात आले होते. गेल्या सोमवारी तिला डिस्चार्ज देण्यात आला.
किडनी फेल झालेली मुलगी
केस सुंदर दिसावेत म्हणून हेअर स्ट्रेटनिंग करायला गेलेली एक तरुणी रुग्णालयात दाखल झाली आहे. हो, तुम्हाला हे वाचून आश्चर्य वाटेल पण हे खरं आहे. हेअर स्ट्रेटनिंग ट्रीटमेंटसाठी गेलेल्या 17 वर्षीय मुलीची किडनी फेल झाली असून तिच्यावर दीर्घकाळ रुग्णालयात उपचार सुरू आहेत.
दुसऱ्या महिलेसोबतही असेच घडले होते
ही धक्कादायक घटना इस्रायलमध्ये घडली आहे. जेरुसलेममधील शारे झेडेक मेडिकल सेंटरने ही माहिती दिली आहे. तसेच, महिनाभरापूर्वी हेअर स्ट्रेटनिंगमुळे 25 वर्षीय महिलेलाही किडनीच्या समस्येचा सामना करावा लागला होता, असे रुग्णालयाच्या सूत्रांनी सांगितले.
उपचार अजूनही सुरू आहेत
हेअर स्ट्रेटनिंगनंतर उलट्या, चक्कर आणि तीव्र डोकेदुखीचा त्रास झालेल्या मुलीची किडनी फेल झाली. तिला अनेक दिवस बाल विभागात दाखल करण्यात आले होते. गेल्या सोमवारी तिला डिस्चार्ज देण्यात आला. सध्या तिच्यावर रुग्णालयाच्या बाह्यरुग्ण विभागात उपचार सुरू आहेत.
26 महिलांची प्रकरणे नोंद
2023 मध्ये, रुग्णालयाच्या नेफ्रोलॉजी संस्थेचे प्रमुख प्रोफेसर लिंडा शवित आणि संस्थेचे डॉक्टर डॉ. अलोन बेनाया यांनी एक अभ्यास प्रकाशित केला. यात 14 ते 58 वयोगटातील 26 महिलांची प्रकरणे नोंदवली गेली, ज्यांना तीव्र किडनीच्या समस्येमुळे देशभरातील आपत्कालीन विभागांमध्ये दाखल करण्यात आले होते.
परवाना रद्द करण्यात आला
संशोधकांना असे आढळून आले की, या सर्वांनी ग्लायऑक्सिलिक ॲसिड (Glyoxylic acid) असलेल्या हेअर स्ट्रेटनिंग ट्रीटमेंट घेतल्या होत्या. तेव्हापासून आरोग्य मंत्रालयाने ग्लायऑक्सिलिक ॲसिड असलेल्या अनेक सौंदर्य उत्पादनांचे परवाने रद्द केले आहेत.
थेट टाळूवर लावू नका
"हेअर स्ट्रेटनिंग उत्पादने थेट टाळूवर किंवा केसांच्या मुळांना लावू नयेत. ती कमीतकमी 1.5 सेंटीमीटर अंतरावर लावावीत," असे शवित सांगतात.
अनेकांसाठी हा एक धोक्याचा इशारा
"इतकंच नाही, तर हेअर स्टायलिस्ट आणि ग्राहक दोघांनीही उत्पादन गरम होणार नाही याची काळजी घ्यावी. निर्मात्याच्या सूचनांचे काटेकोरपणे पालन करावे," असे त्यांनी सुचवले. सुंदर दिसण्यासाठी हेअर स्ट्रेटनिंग करणाऱ्या अनेकांसाठी हा एक धोक्याचा इशारा आहे.
