पुण्यात शिकायला आलेल्या मुला-मुलींची Co Living Culture ला पसंती, लहान शहरांमध्येही पसरतोय ट्रेंड!

Pune Co Living Culture Boys and Girls : शिक्षण आणि नोकरीसाठी पुण्यात राहणाऱ्यांची संख्या वाढत आहे. पूर्वी मुले आणि मुलींसाठी वेगवेगळी हॉस्टेल असायची, पण आता 'को-लिव्हिंग' नावाचा ट्रेंड आला आहे. यात मुले किंवा मुली एकत्र राहतात.

Image Credit : Generated by google gemini AI

पुण्यात नवीन ट्रेंड

पुण्यामधील तरुण, नोकरदार आणि विद्यार्थ्यांच्या जीवनशैलीत मोठा बदल दिसतोय. खासगी हॉस्टेल साधारणपणे मुले आणि मुलींसाठी वेगवेगळी असतात. पण आता हॉस्टेल आणि पीजीच्या जागी 'को-लिव्हिंग हॉस्टेल' हा नवीन ट्रेंड लोकप्रिय होत आहे. सर्व सुविधा एकाच ठिकाणी मिळत असल्याने नवीन पिढी याकडे आकर्षित होत आहे.

Image Credit : our own

सुविधा जास्त

पारंपरिक पीजीच्या तुलनेत को-लिव्हिंग हॉस्टेलचा खर्च थोडा कमी असतो. शिवाय, २४ तास पाणी, एसी रूम, वाय-फाय, स्वयंपाकाचे साहित्य, वॉशिंग मशीन आणि सुरक्षा यांसारख्या सुविधा मिळतात. तरुणांना मैत्रीपूर्ण वातावरण मिळत असल्याने त्यांची आवड वाढत आहे.

Image Credit : Getty

नवीन ट्रेंडमुळे वाद निर्माण होत आहेत

या सुविधांच्या मागे काही चिंताजनक बाबीही आहेत, असे काहींचे मत आहे. काही को-लिव्हिंग हॉस्टेलमध्ये बेकायदेशीर आणि समाजविघातक कृत्ये होत असल्याचा आरोप आहे. एकाच खोलीत मुले-मुली राहण्याच्या जाहिरातींमुळे वाद निर्माण होत आहेत. हॉस्टेलच्या आसपास राहणारे काही लोक या पद्धतीचा तीव्र निषेध करत आहेत.

Image Credit : google

पोलीस आणि अधिकाऱ्यांनी हस्तक्षेप करावा का?

शहरातील काही भागांतील हॉस्टेल मालकांचे अधिकाऱ्यांशी जवळचे संबंध असल्याच्या बातम्या आहेत. त्यामुळे कायदेशीर कारवाईला उशीर होत असल्याचे सामाजिक कार्यकर्ते सांगतात. सरकारने या हॉस्टेलवर कडक नजर ठेवावी आणि परवाना प्रणालीची काटेकोर अंमलबजावणी करावी, अशी मागणी तज्ज्ञ करत आहेत.

Image Credit : Freepik

पालक आणि विद्यार्थ्यांनी काळजी घ्यावी

को-लिव्हिंग हॉस्टेल निवडण्यापूर्वी सुरक्षा, नियम, इतरांचे वर्तन आणि भाड्याची माहिती घ्यावी. अनोळखी ठिकाणी राहताना हॉस्टेलची नोंदणी आणि सीसीटीव्ही आहे का, हे तपासावे. पालकांनी मुलांच्या राहण्यावर आणि हालचालींवर लक्ष ठेवल्यास धोके कमी होतील.

Image Credit : Freepik

को-लिव्हिंग: संस्कृतीत बदल की धोक्याची घंटा?

कायद्यानुसार प्रौढ एकत्र राहू शकतात, पण समाज याला वेगळ्या नजरेने पाहतो. काही याला आधुनिक जीवनशैली मानतात, तर काहींना गुन्हेगारी वाढण्याची भीती वाटते. पुण्यात हा ट्रेंड वाढत आहे. विशेष म्हणजे सोबत राहत असल्याने मुले आणि मुलींमध्ये शारीरिक आकर्षणही वाढत असल्याचे समोर आले आहे. त्यामुळे वेगळ्या समस्या निर्माण होत आहेत.