- Home
- lifestyle
- Fatty Liver : 10 पैकी 4 भारतीयांना फॅटी लिव्हरचा आजार, शरीर आधीच देतं हे 8 धोक्याचे संकेत
Fatty Liver : 10 पैकी 4 भारतीयांना फॅटी लिव्हरचा आजार, शरीर आधीच देतं हे 8 धोक्याचे संकेत
Eight Early Warning Signs of Fatty Liver Disease : लॅन्सेटच्या एका अभ्यासानुसार, १० पैकी ४ भारतीयांना फॅटी लिव्हरचा आजार आहे. 'द लॅन्सेट रिजनल हेल्थ-साऊथईस्ट एशिया'मध्ये गेल्या महिन्यात प्रसिद्ध झालेल्या अभ्यासात ही माहिती समोर आली आहे.
18
Image Credit : Getty
फॅटी लिव्हर आजार; शरीर आधीच दाखवतं ही आठ लक्षणं
लॅन्सेटच्या अभ्यासानुसार, १० पैकी ४ भारतीयांना फॅटी लिव्हरचा आजार आहे. 'द लॅन्सेट रिजनल हेल्थ-साऊथईस्ट एशिया'मध्ये प्रसिद्ध झालेल्या या अभ्यासात ७,७६४ प्रौढ व्यक्तींची तपासणी केली. त्यापैकी ३९ टक्के लोकांना नॉन-अल्कोहोलिक फॅटी लिव्हर डिसीज (NAFLD) असल्याचं आढळलं. यालाच आता मेटाबॉलिक डिसफंक्शन-असोसिएटेड स्टीटोटिक लिव्हर डिसीज (MASLD) असंही म्हणतात.
28
Image Credit : Getty
जे लोक दारू पीत नाहीत किंवा खूप कमी पितात, त्यांच्या लिव्हरमध्ये अतिरिक्त चरबी जमा झाल्यास NAFLD होतो.
जे लोक दारू पीत नाहीत किंवा खूप कमी पितात, त्यांच्या लिव्हरमध्ये अतिरिक्त चरबी जमा होते, तेव्हा NAFLD हा आजार होतो. जेव्हा लिव्हरच्या वजनाच्या ५ ते १० टक्क्यांपेक्षा जास्त चरबी जमा होते, तेव्हा त्याला 'स्टीएटोसिस' (Steatosis) म्हणतात. हा फॅटी लिव्हर आजाराचा पहिला टप्पा मानला जातो.
38
Image Credit : Getty
जगभरात चारपैकी एका व्यक्तीला NAFLD चा त्रास होतो, असं संशोधक सांगतात
जगभरात चारपैकी एका व्यक्तीला NAFLD चा त्रास होतो. पोटावरची चरबी आणि टाइप-२ मधुमेहामुळे फॅटी लिव्हरचा धोका वाढतो. लिव्हरच्या पेशींमध्ये अतिरिक्त चरबी जमा झाल्यास त्याला फॅटी लिव्हर म्हणतात. यावर वेळीच उपचार न केल्यास सूज आणि सिरोसिससारखे गंभीर आजार होऊ शकतात. लठ्ठपणा, टाइप-२ मधुमेह, हाय कोलेस्ट्रॉल आणि जास्त मद्यपान ही याची प्रमुख कारणं आहेत.
48
Image Credit : Getty
थकवा आणि अशक्तपणा हे फॅटी लिव्हर आजाराचं लक्षण आहे
फॅटी लिव्हर आजाराचं हे एक प्रमुख लक्षण आहे. पुरेशी विश्रांती घेऊनही सतत थकवा आणि अशक्तपणा जाणवत असेल, तर हे लिव्हरच्या समस्येचं लक्षण असू शकतं. कारण शरीरातील ऊर्जा निर्मितीमध्ये लिव्हर महत्त्वाची भूमिका बजावतो.
58
Image Credit : Getty
पोटाच्या उजव्या बाजूला वेदना आणि सूज येणं हे फॅटी लिव्हरचं लक्षण असू शकतं
पोटाच्या उजव्या बाजूला वेदना होणं किंवा सूज येणं हे फॅटी लिव्हरचं लक्षण असू शकतं. लिव्हरमध्ये चरबी जमा झाल्यामुळे असं होतं. यामुळे वेदना आणि अस्वस्थता जाणवू शकते.
68
Image Credit : Getty
ज्या व्यक्तींचं लिव्हर नीट काम करत नाही, त्यांच्यामध्ये इन्सुलिन रेझिस्टन्स सामान्यपणे दिसून येतो.
रक्तातील साखरेची पातळी वाढणं हे सहसा मधुमेहाचं लक्षण मानलं जातं. पण हे फॅटी लिव्हरशी संबंधित आजारांचंही एक लक्षण आहे. ज्या व्यक्तींचं लिव्हर नीट काम करत नाही, त्यांच्यामध्ये इन्सुलिन रेझिस्टन्स (insulin resistance) सामान्यपणे दिसून येतो.
78
Image Credit : Getty
त्वचा पिवळी दिसणं हे आणखी एक लक्षण आहे.
त्वचा आणि डोळे पिवळे पडणं हे या आजाराचं आणखी एक लक्षण आहे. याला कावीळ (Jaundice) म्हणतात. रक्तातील 'बिलिरुबिन'चं (Bilirubin) प्रमाण वाढल्यामुळे असं होतं. हे सहसा लिव्हरचं कार्य बिघडल्याचं, पित्तनलिकेत अडथळा आल्याचं किंवा लाल रक्तपेशी लवकर नष्ट होत असल्याचं लक्षण असतं.
88
Image Credit : Getty
लघवी आणि शौचाचा रंग बदलणं हे पुढचं लक्षण आहे
लघवी आणि शौचाचा रंग बदलणं हे पुढचं लक्षण आहे. लघवी आणि शौचाच्या रंगात बदल होणं हे लिव्हरचं कार्य बिघडल्याचं दर्शवू शकतं. शरीरात बिलिरुबिनचं प्रमाण वाढल्यामुळे लघवीचा रंग गडद होऊ शकतो.
