सेलिब्रिटींच्या जाहिरातींवर वारिस पठाणांची टीका

वारिस पठाण यांनी गुटखा आणि तंबाखूजन्य पदार्थांच्या जाहिराती करणाऱ्या सेलिब्रिटींवर प्रश्न उपस्थित केले. सुपरस्टार्सचे लाखो फॉलोअर्स असतात आणि तरुण त्यांचे अनुकरण करतात, त्यामुळे काही रुपयांसाठी आरोग्यासाठी हानिकारक पदार्थांच्या जाहिराती करून त्यांना प्रोत्साहन देणे चुकीचे असल्याचे त्यांनी म्हटले.गुटखा आणि तंबाखूसारख्या पदार्थांपासून देशाला मुक्त करण्याची गरज असल्याचे सांगत, या जाहिराती करणाऱ्या सेलिब्रिटींना देण्यात आलेल्या शो-कॉज नोटिसवर त्यांनी त्यांना उत्तर देण्याचे आवाहन केले. मोठी संपत्ती आणि प्रसिद्धी मिळालेल्या सेलिब्रिटींनी तरुणांच्या आरोग्याची काळजी घेतली पाहिजे, असेही वारिस पठाण यांनी म्हटले.याशिवाय त्यांनी मुंब्रा, वंदे मातरम् आणि संविधानातील धार्मिक स्वातंत्र्याच्या अधिकारावरही भाष्य केले. तसेच SIR प्रक्रियेदरम्यान काही मतदारांचे कागदपत्रे घेतल्यानंतर ऑनलाइन नोंदणी न झाल्याच्या तक्रारी येत असल्याचे सांगून, कोणत्याही पात्र मतदाराचे नाव मतदार यादीतून वगळले जाऊ नये यासाठी मुदत वाढवण्याची मागणी केली.