Viral Video: नवरदेव नाही तर 'वॉरियर' अंदाजात नवरीचीच घोड्यावरून रॉयल एन्ट्री
Viral Video: एका नवरीच्या रॉयल एन्ट्रीचा व्हिडिओ सोशल मीडियावर धुमाकूळ घालत आहे. लाल रंगाच्या लेहंग्यात सजलेली ही नवरी थेट घोड्यावर बसून मंडपात आली. तिचा हा 'वॉरियर' लूक पाहून नवरा आणि पाहुणेही थक्क झाले. पाहा हा व्हायरल व्हिडिओ.
15
Image Credit : Instagram@exoticbeauty.thebridal
घोड्यावर बसून शाही एन्ट्री, पाहतच राहिले सगळे पाहुणे
ढोल-ताशांचा आवाज, रोषणाई आणि स्टेजकडे लागलेल्या शेकडो नजरा. सगळेजण वाट पाहत होते की, परंपरेनुसार आता नवरदेव घोड्यावर बसून येईल. पण पुढच्याच क्षणी जे घडलं, त्याने सर्वांनाच चकित केलं. लाल लेहंग्यात सजलेली नवरी चक्क घोड्यावर बसून एन्ट्री घेताना दिसली. तिच्या चेहऱ्यावर आत्मविश्वास आणि थाट एखाद्या योद्ध्यासारखा होता. हा व्हिडिओ सोशल मीडियावर वेगाने व्हायरल होत असून, लोक याला लग्नातील बदलत्या परंपरेचं प्रतीक म्हणत आहेत.
25
Image Credit : Instagram@exoticbeauty.thebridal
जेव्हा नवरीने बदलला परंपरेचा थाट
भारतीय लग्नांमध्ये सहसा नवरदेव घोड्यावर बसून वरात घेऊन येतो. पण या व्हायरल क्लिपमध्ये चित्र पूर्णपणे उलटं आहे. लाल लेहंगा आणि भरजरी दागिन्यांमध्ये सजलेली ही नवरी पूर्ण आत्मविश्वासाने घोड्यावर बसून वेडिंग वेन्यूमध्ये पोहोचली. तिचा अंदाज पाहून असं वाटत होतं, की जणू काही शाही मिरवणूकच निघाली आहे.हा व्हिडिओ इंस्टाग्राम हँडल @xoticbeauty.thebridal वरून शेअर करण्यात आला आहे, ज्याला हजारो लाईक्स आणि शेअर्स मिळाले आहेत. अनेक युजर्स याला “रॉयल ब्राईडल एंट्री” म्हणत आहेत.
35
Image Credit : Instagram@exoticbeauty.thebridal
पाहुण्यांचे डोळे विस्फारले, नवराही झाला हैराण
व्हिडिओमध्ये स्पष्ट दिसतंय की, ढोल-ताशांच्या गजरात नवरी दिमाखात पुढे येत आहे. आजूबाजूला उभे असलेले पाहुणे आधी आश्चर्यचकित होतात, पण नंतर हसून मोबाईलमध्ये हा खास क्षण रेकॉर्ड करू लागतात. नवरदेवाच्या चेहऱ्यावरही आश्चर्य आणि आनंद एकत्र दिसतो. कमेंट सेक्शनमध्ये अनेकांनी या नवरीला 'खऱ्या अर्थाने वाघीण', 'पॉवरफुल ब्राईड' आणि 'नव्या युगाची ओळख' म्हटलं आहे.
45
Image Credit : Instagram@exoticbeauty.thebridal
बदलत्या विचारांची झलक?
लग्न म्हणजे फक्त दोन व्यक्तींचं मिलन नाही, तर समाजाच्या बदलत्या विचारांचा आरसाही असतो. गेल्या काही वर्षांत भारतीय लग्नांमध्ये अनेक नवीन ट्रेंड्स पाहायला मिळाले आहेत. कुठे नवरी स्वतः वरात घेऊन येते, तर कुठे दोघे मिळून एन्ट्री घेतात. या एन्ट्रीला काही जण महिला सक्षमीकरणाचं उदाहरण मानत आहेत, तर काही जण याला फक्त एक क्रिएटिव्ह वेडिंग ट्रेंड म्हणत आहेत. पण एक नक्की, हा व्हिडिओ लोकांना विचार करायला भाग पाडत आहे की, जुन्या परंपरा आता नव्या रूपात येत आहेत का?
55
Image Credit : Instagram@exoticbeauty.thebridal
सोशल मीडियावर का होत आहे ट्रेंड?
लग्नाशी संबंधित हटके व्हिडिओ नेहमीच लोकांचं लक्ष वेधून घेतात. विशेषतः जेव्हा परंपरेला नव्या पद्धतीने सादर केलं जातं. या व्हिडिओमधील रॉयल थीम, दमदार संगीत आणि नवरीचा आत्मविश्वास, या तिन्ही गोष्टी मिळून याला खास बनवत आहेत.
