अल्लू सिरीशने माफी मागावी: सिंकारू शिवाजी, शिवसेना तेलंगणा प्रदेशाध्यक्ष

शिवसेना तेलंगणा प्रदेशाध्यक्ष सिंकारू शिवाजी यांनी अभिनेता अल्लू सिरीश यांच्यावर गणेशोत्सवातील रात्री उशिरापर्यंत होणाऱ्या लाऊडस्पीकरच्या आवाजाबाबत पोलिसांत तक्रार केल्याचा आरोप करत टीका केली. मशिदींमधून दिवसातून पाच वेळा लाऊडस्पीकरचा आवाज येतो, त्याबाबत किती तक्रारी केल्या, असा सवाल त्यांनी केला. गणेशोत्सव वर्षातून काही दिवसच असतो, त्यामुळे हिंदू सणाला विरोध करू नये, असे त्यांनी म्हटले. तसेच चित्रपटांच्या शूटिंग आणि प्रमोशनमुळे होणाऱ्या वाहतूक व इतर समस्यांचा उल्लेख केला. ‘पुष्पा 2’च्या प्रदर्शनावेळी संध्या थिएटरमध्ये झालेल्या घटनेचाही संदर्भ त्यांनी दिला. अल्लू सिरीश यांनी लवकरात लवकर माफी मागावी, अन्यथा शिवसेनेची ताकद दाखवू, असा इशाराही सिंकारू शिवाजी यांनी दिला.