Raj Thackeray
मनसे अध्यक्ष राज ठाकरे यांनी मुंबईतील पत्रकार परिषदेत महाराष्ट्रातील 325 दुष्काळग्रस्त तालुक्यांच्या परिस्थितीचा आढावा घेण्यासाठी जिल्हाध्यक्षांची बैठक घेतल्याचे सांगितले. दिवाळीनंतर महाराष्ट्र दौरा करणार असल्याचे जाहीर करत सरकारच्या ₹5000 मदतीवर प्रश्न उपस्थित केला. मराठवाड्यातील पाणीटंचाई, पाण्याचा गैरवापर, बेकायदेशीर बोअरवेल, टँकर व्यवसायातील राजकीय लागेबांधे आणि भविष्यातील अन्नधान्य टंचाईबाबत त्यांनी चिंता व्यक्त केली. दुष्काळामुळे नागरिकांचे शहरांकडे स्थलांतर वाढण्याची शक्यताही वर्तवली. मनोज जरांगे यांनी समोर आणलेल्या ₹500 कोटींच्या कथित ऑडिओ क्लिपवर बोलताना केवळ रकमेपेक्षा जरांगेंना बदनाम करण्याचे नियोजन आणि पत्रकारांना दिलेल्या कथित धमक्या महत्त्वाच्या असल्याचे त्यांनी सांगितले. ही ऑडिओ क्लिप नेमकी कुठून आली, असा सवालही राज ठाकरेंनी उपस्थित केला.
