धर्मेंद्र प्रधान जाणार? CJPच्या मागणीवर सरकारची मोठी हालचाल
केंद्र सरकारसोबत झालेल्या बैठकीनंतर CJPचे राष्ट्रीय प्रवक्ते आशुतोष रंका यांनी बैठकीची माहिती दिली. CJPच्या तीन प्रमुख मागण्यांपैकी दोन मागण्यांना केंद्र सरकारने तत्त्वतः सकारात्मक प्रतिसाद दिल्याचे त्यांनी सांगितले.आंदोलनादरम्यान दाखल झालेल्या FIR तसेच भविष्यात आंदोलकांवर कोणतीही कायदेशीर कारवाई होणार नाही, याबाबत सरकारने तत्त्वतः सहमती दर्शवल्याचा दावा त्यांनी केला. तसेच आंदोलनात प्रभावित झालेल्यांसाठी ₹१ कोटी नुकसानभरपाईच्या मागणीवरही सकारात्मक भूमिका घेतल्याचे त्यांनी सांगितले. धर्मेंद्र प्रधान यांच्या राजीनाम्याबाबतही सविस्तर चर्चा झाल्याचे सांगत हा मुद्दा पंतप्रधानांपर्यंत पोहोचवला जाईल आणि लवकरच निर्णय होईल, असे सरकारने सांगितल्याचा दावा त्यांनी केला. यासंदर्भात उद्या दुपारी पुन्हा एक बैठक होणार असल्याची माहितीही त्यांनी दिली.
