Manoj Jarange Patil

मराठा आंदोलक मनोज जरांगे पाटील यांनी जालन्यात पत्रकार परिषद घेऊन कथित ऑडिओ क्लिपमधील ₹500 कोटींच्या दाव्यावर एकनाथ शिंदे आणि श्रीकांत शिंदे यांना प्रश्न विचारले. आपले आंदोलन बदनाम करण्यासाठी आणि मराठा समाजापासून आपल्याला दूर करण्यासाठी तीन वर्षांपासून षड्यंत्र सुरू असल्याचा आरोप त्यांनी केला. आपल्या विरोधात बोलण्यासाठी काही लोकांना पैसे आणि मदत पुरवली जात असल्याचा दावाही त्यांनी केला. या प्रकरणातील व्यक्तींचा शोध घेऊन पंतप्रधान नरेंद्र मोदी, देवेंद्र फडणवीस आणि एकनाथ शिंदे यांनी सखोल चौकशी करावी, अशी मागणी केली. तसेच आणखी पुरावे समोर आणण्याचा इशारा देत मराठा समाजासाठीची लढाई सुरूच ठेवणार असल्याचे जरांगे यांनी सांगितले.