मनोज जरांगे: बंडू जाधवने मोठी चूक केली!

मनोज जरांगे यांनी बंडू जाधव यांच्यावर जोरदार टीका करत कार्यक्रम रद्द न करणे ही त्यांच्या आयुष्यातील सर्वात मोठी चूक असल्याचे म्हटले. मराठा समाज सांभाळून ठेवणे हे जाधव यांचे अस्तित्व होते, मात्र संजय शिरसाट यांचे ऐकून त्यांनी कार्यक्रम घेतल्याचा आरोप जरांगे यांनी केला. शेतकऱ्यांच्या कार्यक्रमाच्या नावाखाली एकनाथ शिंदे यांना या कार्यक्रमात आणल्याचाही त्यांनी दावा केला.या प्रकाराची परतफेड होणार असल्याचे सांगत जरांगे यांनी 12 तारखेला पुढील तारीख जाहीर केली जाणार असल्याचे म्हटले. एकनाथ शिंदे यांनी दिलेले आव्हान स्वीकारल्याचे सांगत त्याची परतफेड मुंबईत केली जाईल, असेही ते म्हणाले. परभणीतील कार्यक्रमाच्या पार्श्वभूमीवर पोलीस बंदोबस्त वाढवण्यात आल्याचा मुद्दाही चर्चेत आला. नांदेड, परभणी, लातूर, बीड, हिंगोली आणि धाराशिवमधून कार्यकर्त्यांचे फोन येत असल्याचे जरांगे यांनी सांगितले. बंडू जाधव आणि संजय शिरसाट यांच्यामुळे एकनाथ शिंदे यांना याचा परिणाम भोगावा लागेल, असा इशाराही त्यांनी दिला.