FSSAI करणार मसाला उत्पादक कंपन्यांची तपासणी, गुणवत्ता-सुरक्षिततेकडे अधिक कल

बिझनेस डेस्क : भारतीय अन्न सुरक्षा आणि मानक प्राधिकरण (FSSAI) ने आता MDH आणि एव्हरेस्टसह सर्व मसाले उत्पादक कंपन्यांच्या उत्पादनांची तपासणी करण्याचे आदेश दिले आहेत. अलीकडेच दोन मोठ्या कंपन्यांच्या मसाल्यांमध्ये कीटकनाशके आढळल्याच्या संशयावरून तीन देशांमध्ये बंदी घालण्यात आली आहे. अशा परिस्थितीत, भारताच्या अन्न सुरक्षा नियामकाने देशभरातील मसाल्यांच्या चाचणीचे आदेश जारी केले आहेत.

FSSAI उत्पादन युनिट्सची तपासणी करेल :

FSSAI अधिकाऱ्यांनी आता मसाला क्षेत्रात तपासाची व्याप्ती वाढवली असल्याचे सांगितले. आता मसाला उत्पादक कंपन्यांच्या उत्पादन युनिटची तपासणी, नमुने आणि चाचणी करण्याचे आदेश जारी करण्यात आले आहेत.या तपासणीत प्रत्येक प्रकारच्या मसाल्यांची गुणवत्ता आणि सुरक्षितता या बाबींचे विश्लेषण केले जाईल. मीडिया रिपोर्ट्सनुसार, या उत्पादनांमध्ये इथिलीन ऑक्साईडच्या भेसळीचीही चौकशी केली जाईल.चाचणीनंतर काही आढळल्यास कंपन्यांवर कारवाई केली जाईल.

तीन देशांमध्ये मसाल्यांच्या विक्रीवर बंदी :

सिंगापूर आणि हाँगकाँगने अलीकडेच एमडीएच आणि एव्हरेस्ट मसाल्यांच्या विक्रीवर बंदी घातली आहे. यानंतर मालदीवनेही या उत्पादनांवर कारवाई केली आहे. कीटकनाशक इथिलीन ऑक्साईडचा वापर मसाल्यांमध्ये जास्त प्रमाणात होत असल्याचा आरोप या उत्पादनांवर आहे. अशा परिस्थितीत कर्करोगाचा धोका वाढतो.

या मसाल्यांवर बंदी :

एमडीएचच्या तीन मसाल्यांच्या ब्रँड आणि एव्हरेस्टच्या एका ब्रँडच्या विक्रीवर तीन देशांमध्ये बंदी घालण्यात आली आहे. यापैकी MDH च्या मद्रास करी पावडर, सांभर मसाला पावडर आणि करी पावडर आणि एव्हरेस्टच्या फिश करी मसालावर बंदी घालण्यात आली आहे.

एमडीएचने आरोप फेटाळून लावले :

जगप्रसिद्ध मसाला ब्रँड MDH ने आपल्या उत्पादनात कीटकनाशके असल्याचा आरोप फेटाळून लावला आहे. कंपनीचे म्हणणे आहे की, हे दावे खोटे आणि निराधार असून त्यासाठी कोणतेही ठोस पुरावे नाहीत.आमच्या उत्पादनांमध्ये इथिलीन ऑक्साईड असल्याचा आरोप खोटा आहे. त्याच वेळी, सिंगापूर आणि हाँगकाँगच्या नियामक अधिकाऱ्यांनी कंपनीला कोणताही कॉल किंवा संदेश केला नाही. अशा स्थितीत कंपनीचे आरोप बिनबुडाचे आणि सिद्ध न झालेले आहेत.

आणखी वाचा :

अखेर निर्णय झालाच! रायबरेलीतून राहुल गांधी निवडणुकीच्या रिंगणात, वाचा काँग्रेसने अमेठीतून कोणाला दिली उमेदवारी

आयसीसी टी 20 वर्ल्ड कपचे गाणे झाले रिलीज, गिल, बोल्ट यांसह इतर खेळाडू सहभागी

निलंबित खासदार प्रज्वल रेवन्ना संबंधित व्हिडिओ व्हायरल करणारा कथित ड्रायव्हर बेपत्ता ?