CJP Protest

मुंबईत शिवसेना ठाकरे गटाच्या खासदार प्रियंका चतुर्वेदी यांनी संजय राऊत यांच्या अल्बेनियातील आंदोलनाच्या उदाहरणाशी असहमती दर्शवली. भारतात सत्ताबदल हिंसेने नव्हे, तर मतदानातूनच व्हायला हवा, असे त्यांनी सांगितले. बांगलादेशातील हिंसक आंदोलनांचे उदाहरण देत लोकशाही आणि संविधानिक संस्थांचे संरक्षण करण्यावर भर दिला. निवडणूक आयुक्त ज्ञानेश कुमार यांच्या राजीनाम्याची मागणी आणि सर्वोच्च न्यायालयातील लढा सुरू असल्याचे त्यांनी सांगितले. CJP कार्यकर्त्यांच्या न्यायालयीन कोठडीवर प्रश्न उपस्थित करत दिल्ली पोलिसांच्या कारवाईवर टीका केली. राहुल गांधींच्या परदेश दौऱ्याबाबत काँग्रेसने माहिती द्यावी, असे त्या म्हणाल्या. टायगर श्रॉफ प्रकरणावरून लॉरेन्स बिश्नोईच्या चौकशीस मुंबई पोलिसांना परवानगी का नाही, असा सवाल त्यांनी केला. तसेच भारताची प्रगती ही जनतेच्या कष्टांमुळे असल्याचे सांगत मोहन भागवत यांच्या विधानावरही मत मांडले.