ज्ञानेश कुमारांच्या राजीनाम्यासाठी CJP आंदोलन
मुंबईतील शिवाजी पार्क येथे CJPच्या आंदोलनात सहभागी होण्यासाठी ऑल इंडिया स्टुडंट्स फेडरेशनचे कार्यकर्ते येणार असल्याचे आमिर यांनी सांगितले. त्यांच्या दाव्यानुसार, संघटनेचे 10 ते 12 हजार लोक आंदोलनात सहभागी होऊ शकतात. गांधी जयंतीच्या पार्श्वभूमीवर आंदोलन शांततेच्या मार्गाने होईल, असे त्यांनी म्हटले. मुख्य निवडणूक आयुक्त ज्ञानेश कुमार यांच्या राजीनाम्याची आणि SIR तात्काळ थांबवण्याची मागणी त्यांनी केली. तसेच ज्ञानेश कुमार यांच्या अटकेची मागणी करत त्यांच्यावर मतदारांची नावे वगळल्याचा आरोप केला. हे आंदोलकांचे आरोप असून निवडणूक आयोगाने मतदारयादी पुनरीक्षणाबाबत गैरप्रकाराचे आरोप नाकारले आहेत.
