बंगळुरूमध्ये स्कूटरला ऑटो टच झाला म्हणून एका तरुणीने ऑटोचालकाला चपलेने मारहाण केल्याची घटना घडली आहे.
बंगळुरु : स्कूटरला ऑटो टच झाला म्हणून एका परराज्यातील तरुणीने शहरातील ऑटोचालकाला चपलेने मारहाण केल्याची घटना बेलंदूर सर्कल येथे शनिवारी संध्याकाळी ४:३० वाजण्याच्या सुमारास घडली आहे. ही घटना ऑटोचालकाच्या मोबाईलमध्ये रेकॉर्ड झाली असून, सोशल मीडियावर व्हायरल होत आहे.
नेमकं काय घडलं?
स्कूटरवरून आलेल्या तरुणीच्या वाहनाला ऑटो थोडासा टच झाला असल्याचे सांगण्यात येत आहे. यामुळे संतप्त झालेल्या तरुणीने ऑटोचालकाशी वाद घातला. शाब्दिक चकमकीनंतर, तरुणीने आपली चप्पल काढून ऑटोचालकाला मारहाण केली. या घटनेमुळे संतप्त झालेल्या चालकाने महिलेच्या या वर्तनाचा व्हिडिओ आपल्या मोबाईलमध्ये रेकॉर्ड केला.
Related Articles
स्थानिकांनी ही घटना पाहिल्यानंतर पोलिसांना माहिती दिली. सध्या ऑटोचालक आणि तरुणी दोघेही बेलंदूर पोलीस ठाण्यात आहेत. पोलिसांनी घटनेची चौकशी सुरू केली असून, दोघांचेही जबाब नोंदवले जात आहेत.
ही घटना बंगळुरूच्या रस्त्यांवरील वाहनचालकांमधील संघर्ष आणि चिडचिडीमुळे निर्माण होणाऱ्या समस्यांबद्दल पुन्हा एकदा चर्चेचा विषय बनली आहे. तसेच परराज्यातील लोक कन्नडिगांवर हल्ला करणे, धमकावण्याच्या घटना दिवसेंदिवस वाढत असल्याने चिंता वाढली आहे.
