आदित्य ठाकरे यांचा राम मंदिर निधीवर भाजपवर निशाणा
शिवसेना (उद्धव बाळासाहेब ठाकरे) नेते आदित्य ठाकरे यांनी बाळासाहेब ठाकरे जन्मशताब्दी वर्षानिमित्त आयोजित क्रीडा स्पर्धांना उपस्थिती लावली. यावेळी त्यांनी खेळाडूंचे कौतुक करत विविध सामाजिक उपक्रमांचे स्वागत केले. माध्यमांशी संवाद साधताना राम मंदिर निधी, अयोध्या ट्रस्ट, भाजप, ईडी, सीबीआय आणि आयटीच्या भूमिकेवर टीका केली. राम मंदिरातील कथित आर्थिक गैरव्यवहाराची चौकशी व्हावी, अशी भूमिका त्यांनी मांडली. तसेच उत्तराखंड दुर्घटनेतील बचावकार्याबाबत संवेदना व्यक्त करत कर्नल राऊत प्रकरणावर तपास पूर्ण होऊ द्यावा, त्यावर भाष्य करणे योग्य नसल्याचेही त्यांनी स्पष्ट केले.
