‘गदर २’ च्या प्रचंड यशाआधी सनी देओल तब्बल ५६ कोटी रुपयांच्या कर्जात बुडाला होता. या आर्थिक संकटामुळे त्याला आपली एक मालमत्ता विकावी लागली होती, असा खुलासा त्याने स्वतः केला आहे.
मुंबई : सनी देओल (Sunny Deol) हा इंडस्ट्रीतील एक लोकप्रिय आणि ज्येष्ठ अभिनेता आहे. 'गदर २' च्या प्रचंड यशाने त्याने दमदार पुनरागमन केलं, हे तर सगळ्यांनाच माहितीये. या सिनेमाने बॉक्स ऑफिसवर अक्षरशः धुमाकूळ घातला आणि आतापर्यंतच्या सर्वात यशस्वी सिनेमांपैकी एक ठरला. पण पडद्यावर दिसणारी ही चमकधमक खरी नव्हती, यामागे एक मोठी कहाणी आहे. सनीने स्वतः सांगितलं की, आर्थिक अडचणीत असतानाही तो 'आनंदी' कसा होता.
सनीचं बॉलिवूड करिअर!
आपल्या बॉलिवूड करिअरबद्दल बोलताना तो म्हणाला, “गदरसोबतच मी 'इंडियन' हा सिनेमाही केला होता, जो त्यावेळच्या 'लगान' आणि इतर सिनेमांपेक्षा खूप मोठा हिट होता. त्याने लगानच्या दुप्पट-तिप्पट व्यवसाय केला होता. गदरने तर त्याहूनही जास्त कमाई केली. पण अचानक कॉर्पोरेट कंपन्या आल्या आणि फिल्म इंडस्ट्रीचं स्वरूप बदलू लागलं. त्यानंतर मला चांगले विषय आणि दिग्दर्शक का मिळत नव्हते, हे मलाच कळत नव्हतं.”
२०२३ मध्ये, एका बँकेच्या नोटीसमध्ये मुंबईतील 'सनी व्हिला'शी संबंधित ५५.९९ कोटी रुपयांच्या थकबाकीचा उल्लेख होता. यावर सनी म्हणाला, “माझ्यावर जे कर्ज होतं, ते माझे स्वतःचे पैसे होते. मी कोणाकडूनही उधार घेतले नव्हते. मला कोणालाही काही देणं नव्हतं. मला फक्त माझी स्वतःची मालमत्ता विकून ते फेडायचं होतं. मी पैशांसाठी अनेक गोष्टी करू शकत नाही. पण खरं सांगायचं तर, मी खूप आनंदी आहे. जेव्हा मी कर्जात होतो, तेव्हाही मी खूप आनंदी होतो. मी माझं आयुष्य जगत होतो.”
Related Articles
'गदर २' ने पुन्हा आणलं मुख्य प्रवाहात
'गदर २' ने २०२३ मध्ये सनीच्या करिअरला पुन्हा एकदा मुख्य प्रवाहात आणलं. या सिनेमानंतर त्याने 'जाट' आणि 'इक्का' या सिनेमांवर काम केलं. नुकताच तो राजकुमार संतोषी यांच्यासोबत 'बटवारा 1947' या सिनेमात दिसला, जो सध्या थिएटरमध्ये सुरू आहे. या सिनेमाला प्रेक्षकांची चांगली पसंती मिळते आहे.
