SRK Car Collection: शाहरुखच्या महागड्या संग्रहात आहेत बुगाडी ते रोल्स रॉइस कार्स
SRK Car Collection: शाहरुख खानला बॉलिवूडचा 'किंग' म्हणतात. तो फक्त त्याच्या सिनेमांसाठीच नाही, तर त्याच्या लक्झरी लाईफस्टाईलसाठीही ओळखला जातो. त्याच्या कार कलेक्शनवर नजर टाकली तर थक्क व्हायला होतं. चला पाहूया शाहरुखच्या सर्वात महागड्या गाड्या...
1. बुगाटी वेरॉन (Bugatti Veyron)
ही शाहरुख खानच्या कार कलेक्शनमधील सर्वात महागडी गाडी आहे. याची किंमत जवळपास 12 कोटी रुपये आहे. या गाडीत क्वाड-टर्बोचार्ज्ड 8.0-लीटर W16 इंजिन आहे, जे 1001 ते 1200 हॉर्सपॉवरची ताकद निर्माण करतं. फ्रान्सच्या मोल्सहाइममध्ये तयार होणारी ही एक मिड-इंजिन हायपरकार आहे. तिचा टॉप स्पीड ताशी 407 ते 431 किमी असल्याचं सांगितलं जातं.
2. रोल्स-रॉइस कलिनन ब्लॅक बॅज
ही एक अल्ट्रा लक्झरी SUV आहे, ज्यात 6.75-लीटर ट्विन-टर्बो V12 इंजिन आहे. या गाडीचा टॉप स्पीड ताशी 250 किमी असल्याचं म्हटलं जातं. या कारची किंमत जवळपास 10 कोटी रुपये आहे
3. रोल्स-रॉइस फँटम ड्रॉपहेड कूप
ही एक अल्ट्रा-लक्झरी 4-सीटर कन्व्हर्टिबल ग्रँड टूरर गाडी आहे. तिचं डिझाइन १९३० च्या रेसिंग यॉटपासून प्रेरित आहे. यात 6.75-लीटर V12 इंजिन आहे. तसेच, गाडीचं 5-लेयर सॉफ्ट-टॉप फक्त 25 सेकंदात उघडतं. या कारची किंमत सुमारे 9.6 कोटी रुपये सांगितली जाते.
4. कॅडिलॅक एस्केलेड (Cadillac Escalade)
शाहरुखने ही कार नुकतीच खरेदी केली आहे. तिची किंमत 5 कोटी रुपयांपर्यंत असल्याचं सांगितलं जातं. ही एक फुल साइज लक्झरी अमेरिकन कार आहे, जी भारतात मिळत नाही. ही गाडी परदेशातून इंपोर्ट करावी लागते. यात 6.2-लीटर सुपरचार्ज्ड V8 इंजिन आहे आणि तिचा टॉप स्पीड ताशी 201 किमी आहे.
5. बेंटले कॉन्टिनेंटल जीटी
ही एक अत्यंत शानदार आणि लक्झरी ग्रँड टूरर कार आहे. तिचा टॉप स्पीड ताशी 335 किमी असल्याचं सांगितलं जातं. रिपोर्ट्सनुसार, या कारची किंमत सुमारे 3.29 कोटी रुपये आहे. मात्र, सध्याच्या एक्स-शोरूम किमती पाहिल्यास, ती 5.23 कोटी ते 8.45 कोटी रुपयांपर्यंत आहे.
6. मर्सिडीज-मेबॅक S580
शाहरुखच्या या कारची किंमत जवळपास 3.15 कोटी रुपये आहे. यात 496 hp क्षमतेचं 4.0L V8 बिटर्बो इंजिन आणि एक माइल्ड-हायब्रीड सिस्टीम आहे. या गाडीचा टॉप स्पीड ताशी 250 किमी असल्याचं सांगितलं जातं.
शाहरुखच्या कलेक्शनमध्ये या गाड्याही आहेत
शाहरुखच्या गॅरेजमध्ये सुमारे 2.62 कोटी रुपयांची बीएमडब्ल्यू-i8, जवळपास 2.8 कोटी ते 3 कोटी रुपयांची रेंज रोव्हर वोग, सुमारे 1.88 कोटींची मर्सिडीज बेंझ एस-क्लास आणि जवळपास 88 लाख रुपयांची मर्सिडीज बेंझ जीएलई यांचाही समावेश आहे. याशिवाय अनेक छोट्या आणि मध्यम रेंजच्या गाड्याही आहेत. शाहरुखच्या गॅरेजमधील सर्व गाड्यांची एकूण किंमत 50 कोटी रुपयांपेक्षा जास्त असल्याचा अंदाज आहे. ही रक्कम इतकी आहे की, यात अहान पांडे आणि अनीत पड्डा स्टारर 'सैयारा' (बजेट सुमारे 45 कोटी) सारखा चित्रपट बनू शकतो.
डिस्क्लेमर: हा लेख इंटरनेटवर उपलब्ध असलेल्या माहितीच्या आधारे तयार करण्यात आला आहे. आम्ही या माहितीची अधिकृत पुष्टी करत नाही. फोटोंचा वापर केवळ सादरीकरणासाठी केला आहे.
