;Resize=(690,390) "Shreya-Chaudhry-bags-best-actress-IIFA-award")
सार
तरुण अभिनेत्री श्रेया चौधरी तिच्या दमदार अभिनयासाठी चर्चेत आहे. बंदिश बँडिट्स सीझन 2" मधील तिच्या उत्कृष्ट अभिनयाने प्रेक्षकांची मने जिंकली आहेत आणि IIFA डिजिटल पुरस्कार 2025 मध्ये तिला सर्वोत्कृष्ट अभिनेत्री (मुख्य भूमिका) – वेब सिरीज चा बहुमान मिळाला!
श्रेया चौधरी म्हणाली, "ही ओळख मिळाल्याबद्दल मी अत्यंत कृतज्ञ आणि आनंदित आहे. त्यामुळे मला अधिक चांगली पात्रे साकारण्याची संधी मिळेल आणि या इंडस्ट्रीमध्ये आपली ओळख निर्माण करता येईल! 'बंदिश बँडिट्स सीझन 2' हा एक विलक्षण अनुभव होता. संगीत, भावना आणि कथा यांचं सुंदर मिश्रण असलेल्या या प्रोजेक्टचा भाग होणं माझ्यासाठी कायम खास राहील. 'तमन्ना' हा माझ्या अत्यंत जिव्हाळ्याचा आणि आवडत पात्र राहील. मी या शोचे निर्माते *अमृतपाल सिंग बिंद्रा, आनंद तिवारी आणि साहिरा नायर* यांचे मनःपूर्वक आभार मानते. हा पुरस्कार माझ्या मेहनतीचा आणि समर्पणाचा मोठा सन्मान आहे. अभिनयासाठी मी नेहमीच पूर्ण समर्पणाने काम करत आले आहे. माझे अभिनयासोबत एक शुद्ध, आध्यात्मिक नाते आहे आणि मी या कलेत अधिकाधिक प्रावीण्य मिळवू इच्छिते."
"बंदिश बँडिट्स सीझन 2" साठी श्रेया चौधरी हिला मिळालेला हा दुसरा सर्वोत्तम अभिनेत्री पुरस्कार आहे. तिच्या उत्कृष्ट अभिनयाने प्रेक्षकांची मने जिंकली आहेत. नुकतेच, श्रेया चौधरी हिने बोमन इराणी दिग्दर्शित "द मेहता बॉयज" चित्रपटात अविनाश तिवारी सोबत भूमिका साकारली असून, तिच्या अभिनयाचे खूप कौतुक झाले आहे.
Related Articles
