Param Sundari Box Office Collection Day 1 : सिद्धार्थ, जान्हवी यांच्या परम सुंदरीने किती गल्ला कमावला?

Param Sundari box office collection day 1 : सिद्धार्थ मल्होत्रा आणि जान्हवी कपूरची रोमँटिक-कॉमेडी परम सुंदरी शुक्रवारी चित्रपटगृहांत दाखल झाली. मेट्रो इन डिनो आणि सैयाराच्या यशानंतर, हा चित्रपटही रोम-कॉम्सच्या हिट मालिकेत सामील होईल का?

Image Credit : Instagram

परम सुंदरी ओपनिंग कलेक्शन

शुक्रवारी परम सुंदरीने ७.२५ कोटी रुपये कमावले. या दिवशी चित्रपटाची एकूण ऑक्युपन्सी (थिएटरमधील प्रेक्षकसंख्या) फक्त १०.६४% इतकी होती.

सामान्यतः रोमँटिक चित्रपटांची ओपनिंग फार मोठी नसते. मात्र या चित्रपटाचं पहिल्या दिवसाचं कलेक्शन या प्रकारच्या चित्रपटांसाठीही खूपच कमी आहे. गेल्या महिन्यात आलेल्या सैयाराने पहिल्याच दिवशी तब्बल २१.५ कोटी रुपये कमावले होते, जे परम सुंदरीच्या कमाईच्या तिप्पट होतं

Image Credit : Instagram

परम सुंदरीबद्दल

या चित्रपटात दिल्लीतील मुलगा आणि केरळमधील मुलगी यांच्या क्रॉस-कल्चर प्रेमकथेवर कथानक आधारित आहे. सिद्धार्थ आणि जान्हवीशिवाय, राजीव खंडेलवाल आणि आकाश दहिया यांच्याही महत्त्वाच्या भूमिका आहेत. विशेषत: परदेशीया हे गाणं रिलीजपूर्वीच खूप लोकप्रिय झालं होतं.

Image Credit : Social Media

जान्हवीच्या कास्टिंगवर नाराजी

मात्र, जान्हवीला एका दक्षिण भारतीय मुलीच्या भूमिकेत निवडल्यावर काही वादही झाले. चित्रपटाचा ट्रेलर आल्यानंतर तिचा उच्चार आणि अभिनयावर केरळमधील काही कलाकार व प्रेक्षकांनी टीका केली. मल्याळम रेडिओ होस्ट पवित्रा मेनन आणि कंटेंट क्रिएटर स्टेफी यांनी जान्हवीच्या कास्टिंगवर नाराजी व्यक्त केली.

Image Credit : instagram

चित्रपट समिक्षण

“या चित्रपटाचा मुख्य प्रश्न म्हणजे लीड जोडी. त्यांच्या प्रेमकथेतला भाव पटत नाही. जान्हवी आपलं पात्र जिवंत करण्याचा खूप प्रयत्न करते, पण सिद्धार्थचा एकसुरी अभिनय तिच्या मेहनतीवर पाणी फेरतो. ते फक्त एकमेकांच्या डोळ्यांत बघतानाही, जान्हवीच्या नजरा एका भिंतीवर आदळतात. पहिला अर्धा भाग फिकट विनोद आणि रटाळ सीनमध्ये अडकतो, तर दुसरा अर्धा आणखी संथ होतो आणि सहज अंदाज बांधता येईल अशा शेवटाकडे पोहोचतो.”