कपूर कुटुंबाची सून बिकिनीत लिपलॉक

बॉलिवूड अभिनेता आणि करीना कपूर खान (Kareena Kapoor Khan) यांचे चुलतभाऊ आदर जैन (Aadar Jain) हे त्यांच्या व्यावसायिक आयुष्यापेक्षा वैयक्तिक आयुष्यामुळे जास्त चर्चेत असतात. काही दिवसांपूर्वी अभिनेत्री तारा सुतारिया (Tara Sutaria) सोबत ब्रेकअप झाल्यानंतर आदर जैन यांनी अलेखां अडवाणी (Alekha Advani) सोबत साखरपुडा केला. सोशल मीडियावर फोटो पोस्ट करून आदर जैन यांनी सर्वांना आश्चर्यचकित केले. आता आदर जैन यांनी त्यांच्या भावी पत्नी अलेखांचा वाढदिवस रोमँटिक पद्धतीने साजरा केला आहे. 

प्रेयसी अलेखांच्या वाढदिवसानिमित्त आदर जैन यांनी इंस्टाग्रामवर एक पोस्ट शेअर केली आहे. ही पोस्ट झपाट्याने व्हायरल होत आहे. यात अलेखां आणि आदर दोघेही बोल्ड अवतारात दिसत आहेत. अलेखांनी बिकिनी परिधान करून फोटोसाठी पोज दिली आहे. आदरने बिकिनीतील अलेखांना मिठी मारली असून त्यांना किस केले आहे. 

दुसऱ्या फोटोत अलेखां झोपाळ्यावर बसल्या आहेत. Aadarjain या इंस्टाग्राम अकाउंटवरून हा फोटो शेअर करण्यात आला आहे. अनेक युजर्सनी अलेखांना वाढदिवसाच्या शुभेच्छा दिल्या आहेत. अलेखांचा लूक चाहत्यांना आवडला आहे. आदर जैन हे रीमा आणि मनोज जैन यांचे पुत्र आहेत. ते राज कपूर यांचे नातू आहेत. सप्टेंबरमध्ये आदरने अलेखांसोबत साखरपुडा केला. समुद्रकिनारी आदरने अलेखांना प्रपोज केले होते. गेल्या वर्षी करीना कपूर आणि सैफ अली खान यांच्या घरी झालेल्या दिवाळी पार्टीत या जोडीने त्यांच्या नात्याचा खुलासा केला होता. अलेखां आणि आदर अनेक वर्षांपासून मित्र होते. गेल्या वर्षी त्यांची मैत्री प्रेमात बदलली. 

कपूर कुटुंबाची सून होणारी अलेखां अडवाणी एक उद्योजिका आहे. कॉर्नेल विद्यापीठातून पदवी घेतलेल्या अलेखांनी लॉस एंजेलिसमधील एका बहुराष्ट्रीय कंपनीत काम केले. त्यानंतर मुंबईत परतल्यावर त्यांनी जुहू येथे काम केले. आता त्यांचा स्वतःचा व्यवसाय आहे. २०२० मध्ये अलेखांनी आरोग्याशी संबंधित 'वी वेल' ही कंपनी स्थापन केली. कॉर्पोरेट नोकरी सोडून धाडसी पाऊल उचलत त्यांनी यश मिळवले आहे. अलेखां फॅशन इंडस्ट्रीतही प्रसिद्ध आहेत. मॉडेलिंगच्या क्षेत्रातही अलेखांनी नाव कमावले आहे. त्या दागिने आणि कपड्यांच्या ब्रँडसाठी मॉडेलिंग करतात. 

आदर जैन हे अभिनेत्री तारा सुतारिया यांच्यासोबत रिलेशनशिपमध्ये होते. जवळपास तीन वर्षे ते दोघे एकत्र होते. तारा सुतारियासोबतच्या नात्यात असतानाच आदर अलेखांसोबतही दिसले होते. तारा सुतारिया आणि आदरमध्ये दुरावा निर्माण होण्यास अलेखां कारणीभूत असल्याचे लोक मानतात. तारा सुतारिया आणि अलेखां मैत्रिणी होत्या. आता तारा सुतारियाच्या माजी प्रियकराशी अलेखां लग्न करणार आहेत. अलेखां आणि आदरच्या साखरपुड्याला तारा सुतारिया आल्याने सर्वांना आश्चर्य वाटले होते.