बिग बींनी अयोध्येत आणखी एक प्रॉपर्टी खरेदी केली आहे, ज्याची किंमत ४० कोटी रुपये असल्याचे सांगितले जात आहे. ही जमीन २५,००० चौरस फुटांमध्ये पसरलेली आहे.
मुंबई : बॉलिवूडचे महानायक अमिताभ बच्चन अनेकदा चर्चेत असतात. अमिताभ यांनी अयोध्येत आणखी एक प्रॉपर्टी खरेदी केली आहे, ज्याची किंमत कोट्यवधी असल्याचे सांगितले जात आहे. हे ऐकून सगळेच थक्क झाले आहेत.
अमिताभ बच्चन यांनी एवढ्या कोटींमध्ये जमीन खरेदी केली
अमिताभ यांनी अयोध्येत जी प्रॉपर्टी खरेदी केली आहे, ती ४० कोटींची आहे. ही जमीन बिग बींनी 'सरयू' नावाच्या एका रिअल इस्टेट डेव्हलपमेंट कंपनीकडून खरेदी केली आहे, जी २५,००० चौरस फुटांमध्ये पसरलेली आहे. मात्र, या बातम्यांवर अमिताभ यांनी दुजोरा दिलेला नाही. ही बातमी ऐकून लोकांचे म्हणणे आहे की अमिताभ बच्चन यांनी जितक्या किमतीची प्रॉपर्टी खरेदी केली आहे, तेवढ्यात एक सामान्य माणूस ४० पेक्षा जास्त घरे बांधू शकतो.
अमिताभ बच्चन यांची अयोध्येतील ही चौथी प्रॉपर्टी आहे. यापूर्वी त्यांनी एक प्लॉट खरेदी केला होता, ज्याची किंमत ४.५४ कोटी होती. तसेच त्यांनी बॉलीवुड निर्माते आनंद पंडित यांच्या एका रिअल इस्टेट फर्ममध्येही १०-१० कोटी रुपयांची जमीन खरेदी केली होती. यासोबतच त्यांनी १४ कोटींची एक जमीन खरेदी केली आहे, जिथे ते आपले वडील हरिवंशराय बच्चन यांच्या स्मृतिप्रित्यर्थ एक स्मारक बांधण्याचा विचार करत आहेत.
Related Articles
अमिताभ बच्चन ऐशोआरामी जीवनशैलीचे शौकीन
अमिताभ बच्चन खूपच ऐशोआरामी जीवन जगतात. मुंबईत त्यांच्याकडे ४ बंगले आहेत, ज्यांची नावे जलसा, जनक, प्रतीक्षा, वत्स आहेत. यासोबतच त्यांच्याकडे ११ आलिशान गाड्या आहेत, ज्यात लेक्सस, रोल्स रॉयस फँटम, २ बीएमडब्ल्यू, ३ मर्सिडीज यांचा समावेश आहे. याशिवाय त्यांच्याकडे अनेक प्रॉपर्टी आहेत, ज्या त्यांनी भाड्याने दिल्या आहेत. २०२४ मध्ये प्रसिद्ध झालेल्या हुरुन इंडिया रिच लिस्टनुसार अमिताभ बच्चन यांची एकूण संपत्ती १,६०० कोटी रुपये आहे.
