Bigg Boss Marathi 6 : 'पॉवर की'चा गेम अन् तन्वीचा आगाऊपणा! पहिल्याच आठवड्यात 'हे' ९ स्पर्धक आले डेंजर झोनमध्ये

Bigg Boss Marathi 6 : बिग बॉस मराठी ६च्या घरात पॉवर की टास्कमुळे समीकरणं बदलली आहेत. या टास्कमुळे तन्वीला कॅप्टनसीची उमेदवारी मिळाली, तर करण, दीपाली आणि रुचिता थेट नॉमिनेट झाले. यानंतर झालेल्या नॉमिनेशनमध्ये ९ सदस्य घराबाहेर जाण्यासाठी नामांकित झाले.

Image Credit : pr

'पॉवर की'चा गेम अन् तन्वीचा आगाऊपणा!

मुंबई : 'बिग बॉस मराठी ६' च्या घरात पहिल्याच आठवड्यात वादाची ठिणगी पडली आहे. कॅप्टनसी आणि नॉमिनेशन टास्कमुळे घरातील समीकरणं पूर्णपणे बदलली असून, मैत्रीत फूट आणि शब्दांची चकमक पाहायला मिळत आहे. आजच्या भागात 'पॉवर की'च्या जोरावर काही सदस्यांनी बाजी मारली, तर काहींच्या नशिबी थेट नॉमिनेशन आलं. 

Image Credit : pr

'पॉवर चेंबर'ने पलटला खेळ

बिग बॉसने 'पॉवर की' असलेल्या सदस्यांना (दीपाली, सोनाली, रुचिता, तन्वी, करण आणि प्राजक्ता) पॉवर चेंबरमध्ये जाण्याची संधी दिली. या चेंबरमध्ये 'कॅप्टनसीची उमेदवारी' आणि 'इम्युनिटी' (सुरक्षा कवच) मिळवण्यासाठी चुरस रंगली.

तन्वी वि. दीपाली: तन्वीने चपळाईने बझर दाबून कॅप्टनसीची दावेदारी मिळवली, तर दीपाली थेट नॉमिनेट झाली.

प्राजक्ता वि. करण: प्राजक्ताने बाजी मारत करणला नॉमिनेशनच्या खाईत लोटले.

रुचिताची घोडचूक: रुचिताने तिची 'पॉवर की' बेजबाबदारपणे स्विमिंग पूलपाशी ठेवली, जी करणने लपवली. परिणामी, रुचिताला आपली पॉवर गमवावी लागली आणि ती थेट नॉमिनेट झाली. यावरून रुचिता आणि सोनालीमध्ये जोरदार भांडण झाले. 

Image Credit : pr

पतंग टास्क आणि नॉमिनेशनचा थरार

ज्यांच्याकडे इम्युनिटी होती, अशा तन्वी, प्राजक्ता आणि सोनालीला इतरांना नॉमिनेट करण्याचे अधिकार मिळाले.

प्राजक्ता: प्रभू आणि अनुश्रीला नॉमिनेट केले.

तन्वी: दिव्या आणि सागरला नॉमिनेट केले. यावेळी सागर आणि तन्वीमध्ये कडाक्याचे भांडण झाले.

सोनाली: राधा आणि रोशनच्या नावाची पाटी पतंगावरून कापून त्यांना नॉमिनेट केले. 

Image Credit : pr

पहिल्या आठवड्यातील 'नॉमिनेटेड' सदस्य

या आठवड्यात घराबाहेर जाण्यासाठी एकूण ९ स्पर्धक नामांकित झाले आहेत. प्रभू, अनुश्री, दिव्या, सागर, राधा, रोशन, करण, दीपाली आणि रुचिता. 

Image Credit : pr

तन्वीची प्राजक्तावर मिश्किल टीका?

दिवसभराच्या तणावानंतर तन्वीने प्राजक्ताची नक्कल करत थोडा आगाऊपणा केला, ज्यामुळे घरात पुन्हा एकदा कुजबुज सुरू झाली. दुसरीकडे, करणने आपल्या आई-वडिलांच्या संघर्षाची कहाणी सांगून घरच्यांना भावूक केले, तर सचिनने बिग बॉसची नक्कल करत वातावरण हलकं करण्याचा प्रयत्न केला.