- Home
- Entertainment
- Divya Bharathi : 'इंडस्ट्रीत मी तीच सर्वात मोठी चूक केली', अभिनेत्रीने सांगितला अनुभव
Divya Bharathi : 'इंडस्ट्रीत मी तीच सर्वात मोठी चूक केली', अभिनेत्रीने सांगितला अनुभव
अभिनेत्री दिव्या भारतीने तिच्या करिअरच्या सुरुवातीच्या दिवसांबद्दल मनमोकळ्या गप्पा मारल्या. 'बॅचलर' चित्रपटानंतर काम आपोआप मिळेल, असा विचार करणं हीच आपली सर्वात मोठी चूक होती, असं तिने सांगितलं.
Divya Bharathi
तमिळ सिनेसृष्टीतून ओळख मिळवलेली अभिनेत्री दिव्या भारती आता साऊथमध्ये सलग चित्रपट करत आहे. नुकतीच तिची एक मुलाखत सोशल मीडियावर व्हायरल झाली. या मुलाखतीत तिने करिअरच्या सुरुवातीचे दिवस आठवले. इंडस्ट्रीत आपण कोणती सर्वात मोठी चूक केली, याचा खुलासा तिने केला.
सुरुवातीला मॉडेलिंग
साऊथमध्ये चांगलीच लोकप्रिय असलेली दिव्या भारती सुरुवातीला मॉडेलिंग करायची. त्यानंतर २०१७ मध्ये आलेल्या 'मुप्परीमानम' (Mupparimaanam) चित्रपटातून तिने सिनेसृष्टीत पाऊल ठेवलं. या चित्रपटात तिने हिरोईनच्या मैत्रिणीची भूमिका साकारली होती. त्यानंतर पुढच्याच चित्रपटात तिने मुख्य अभिनेत्रीची भूमिका मिळवली.
तमिळ इंडस्ट्रीतून अभिनेत्री म्हणून एन्ट्री
दिव्या भारतीने 'बॅचलर' (Bachelor) या चित्रपटातून मुख्य अभिनेत्री म्हणून तमिळ इंडस्ट्रीत एन्ट्री घेतली. या चित्रपटाने फक्त तमिळच नाही, तर संपूर्ण साऊथच्या प्रेक्षकांचं लक्ष वेधून घेतलं. त्यानंतर दिव्याने 'महाराजा' (Maharaja) आणि 'किंग्स्टन' (Kingston) या चित्रपटांमध्ये काम केलं. आता ती तेलुगूमध्येही सलग चित्रपट करत आहे.
मोठी चूक केली
नुकत्याच दिलेल्या एका मुलाखतीत दिव्या भारतीने तिच्या करिअरच्या सुरुवातीच्या दिवसांबद्दल भाष्य केलं. "योग्य लोकांशी संपर्क न वाढवणं ही माझी सर्वात मोठी चूक होती. 'बॅचलर' चित्रपट हिट झाल्यानंतर, काम आपोआप माझ्याकडे चालत येईल, असा माझा समज होता," असं तिने स्पष्ट केलं.
सिनेमाची कोणतीही पार्श्वभूमी नाही
"तो माझ्या टॅलेंटवरचा ओव्हर कॉन्फिडन्स नव्हता. इंडस्ट्री अशीच चालते, यावर माझा खरोखरच विश्वास होता," असं ती म्हणाली. दिव्याला कोणतीही फिल्मी पार्श्वभूमी नाही. त्यामुळे काम मिळवण्यासाठी आपणच जाऊन लोकांना भेटलं पाहिजे आणि नवीन संपर्क वाढवले पाहिजेत, हे तिला सुरुवातीला समजलं नाही.
सिनेमाचा प्रवास लांबला
"चांगल्या संधी मिळतील म्हणून मी वाट पाहत राहिले. आता मागे वळून पाहताना वाटतं की, मी खूप वेळ वाया घालवला. त्यामुळेच माझा सिनेमाचा प्रवासही लांबला," असा अनुभव तिने शेअर केला. इंडस्ट्रीत टॅलेंटसोबतच योग्य संपर्क आणि संधीसाठी स्वतः प्रयत्न करणं किती महत्त्वाचं आहे, हे दिव्याच्या बोलण्यातून स्पष्ट होतं.