पाकिस्तानचे माजी पंतप्रधान इमरान खान यांना भ्रष्टाचाराच्या एका प्रकरणात १४ वर्षांची शिक्षा सुनावण्यात आली आहे. त्यांच्या पत्नीला ७ वर्षांची शिक्षा सुनावण्यात आली आहे. हे प्रकरण त्यांच्या कार्यकाळात झालेल्या कथित भ्रष्टाचार आणि बेकायदेशीर मालमत्तेशी संबंधित आहे. न्यायालयाने आरोप निश्चित केले की इमरान खान यांनी आपल्या पदाचा गैरवापर करून सरकारी मालमत्ता आणि आर्थिक संसाधनांचा अनुचित लाभ घेतला.

Ad1

२०१८ ते २०२२ पर्यंत पाकिस्तानचे पंतप्रधान

इमरान खान पाकिस्तान तहरीक-ए-इंसाफ (पीटीआय) पक्षाचे प्रमुख आहेत. इमरान खान २०१८ ते २०२२ पर्यंत पाकिस्तानचे पंतप्रधान होते. इमरान खान यांना सत्तेवरून हटवल्यानंतर त्यांच्यावर कथित भ्रष्टाचाराचे अनेक आरोप झाले. त्यांच्या शासनकाळात भ्रष्टाचार आणि प्रशासनातील पारदर्शकतेवरही अनेक प्रश्न उपस्थित झाले.

पदावरून हटवल्यानंतर, त्यांच्यावर अनेक प्रकरणांमध्ये चौकशी सुरू झाली, ज्यात हे प्रकरण प्रमुख होते. हे अल कादिर ट्रस्टमध्ये झालेल्या भ्रष्टाचाराशी संबंधित प्रकरण आहे. न्यायालयाने सरकारला अल कादिर ट्रस्ट आपल्या ताब्यात घेण्याचे आदेश दिले आहेत.

Ad2

१४ वर्षांची कारावासाची शिक्षा

न्यायालयाने १४ वर्षांची कारावासाची शिक्षा सुनावण्यासोबतच इमरान खान यांना दहा लाख रुपयांचा दंडही ठोठावला आहे. अकाउंटबिलिटी कोर्टाने याच प्रकरणात इमरान खान यांच्या पत्नी बुशरा बीबी यांना सात वर्षांची कारावासाची शिक्षा सुनावली आहे आणि त्यांच्यावर पाच लाख रुपयांचा दंड ठोठावला आहे. शिक्षा सुनावताना न्यायालयात इमरान खान, त्यांची पत्नी आणि पीटीआयचे इतर नेते उपस्थित होते.

पाकिस्तानचे प्रमुख बिल्डर अल बहरिया टाउनशिपने अल कादिर ट्रस्ट युनिव्हर्सिटीला ५६ एकर जमीन दान केली होती. इमरान खान आणि त्यांची पत्नी बुशरा बीवी हे या ट्रस्टचे विश्वस्त आहेत. याशिवाय आधीच तुरुंगात असलेल्या इमरान खान यांच्यावर अनेक गुन्हे दाखल आहेत. मात्र काही प्रकरणांमध्ये त्यांना जामीनही मिळाला आहे.

भ्रष्टाचाराचे अनेक खटले दाखल

पाकिस्तान तहरीक ए इंसाफचे नेते इमरान खान यांच्यावरील खटले राजकीय हेतूने प्रेरित असल्याचे सांगत आहेत. पाकिस्तानात सध्या माजी पंतप्रधान नवाज शरीफ यांचे भाऊ शहबाज शरीफ पंतप्रधान आहेत.

Ad3

इमरान खान यांच्या शासनकाळात नवाज शरीफ यांच्या कुटुंबावरही कथित भ्रष्टाचाराचे अनेक खटले दाखल झाले होते.

Web Stories