हिवाळ्यातील आरोग्य: त्वचेची काळजी आणि सर्दीपासून बचाव

हिवाळा म्हणजे कोरडी त्वचा आणि सर्दीचा त्रास होण्याचा काळ. हिवाळ्यात आणखी एक सामान्य समस्या म्हणजे शरीरातील दुखणे. त्वचा आणि केसही कोरडे होतात. संसर्गाशी लढण्यासाठी शरीराला उबदार ठेवणे आवश्यक आहे. 

त्वचेची काळजी 
हिवाळ्यात शरीरातील दुखणे आणि कोरडेपणा सामान्य आहे. यावर मात करण्यासाठी हिवाळ्यात आपली जीवनशैली बदलावी लागते आणि काही आरोग्य टिप्सचे पालन करावे लागते. 

थंडीत पाणी पिणे कठीण असते. पण शरीराला पाण्याची गरज असते. शक्य तितके, विशेषतः कोमट पाणी प्यायल्याने शरीराला फायदा होतो. त्यामुळे त्वचा कोरडी होण्यासोबतच इतर समस्याही कमी होतात. 

आंघोळीनंतर लगेच बॉडी लोशन लावा. नारळ तेल, ऑलिव तेल किंवा तीळ तेल त्वचेला मॉइश्चरायझ करण्यासाठी खूप चांगले आहे. व्हिटॅमिन ई तेल देखील त्वचेतील तेल टिकवून ठेवण्यास मदत करते. 
 

ओठ फुटणे
ओठांना हायड्रेटेड ठेवण्यासाठी घरगुती लिप बाम वापरा. मेणापासून बनवलेला लिप बाम वापरा, हा ओठांना मॉइश्चरायझ करतो. ओठ काळे असल्यास ते गुलाबी करते. हे केवळ ओठांसाठीच नाही तर फुटलेल्या पायांसाठी देखील एक उत्तम उपाय आहे. 

 बनवण्याची पद्धत : प्रथम मेण आगीवर गरम करा. नंतर त्यात लोणी आणि खोबरेल तेल घालून चांगले गरम करा. ते घट्ट झाल्यावर थंड करा. ते ओठांना आणि फुटलेल्या पायांना लावू शकता. 

सर्दीची लागण
सर्दी हा हिवाळ्यातील एक मोठा त्रास आहे. या हिवाळ्यातील आजाराशी लढण्यासाठी, गरम पाणी प्यावे. नीलगिरी तेल किंवा मलम वापरावे. हळद, आले, चंदन वाटून कापसाला लावून वात सारखे करून वाळवावे. सर्दी झाल्यावर ते जाळून धूर नाकात घेतल्यास सर्दी कमी होते. गरम पेये जसे की हर्बल चहा आणि सूप प्यायल्यानेही सर्दीपासून बचाव होऊ शकतो.

केसांचे आरोग्य
हिवाळ्यात केसही कोरडे होतात. केस धुण्यापूर्वी रात्री टाळूला थोडे तेल मसाज करा. केसांचे तुटणे टळण्यासाठी केसांच्या टोकांपर्यंत तेल लावावे. हिवाळ्यात केसांमधील ओलावा टिकवून ठेवण्यासाठी कंडिशनर मदत करतात. त्यामुळे हिवाळ्यात कंडिशनर वापरता येतो. जास्त शाम्पू वापरल्याने केस कोरडे होतात, त्यामुळे त्याचा वापर कमी करावा. 
 

व्यायाम हा उपाय
हिवाळ्यातील महत्त्वाच्या आरोग्य टिप्समध्ये व्यायाम देखील आहे. हे फिट राहण्यास मदत करते. उन्हाळ्याच्या तुलनेत हिवाळ्यात कमी घाम येतो. पण व्यायाम करण्याची वेळ देखील महत्त्वाची आहे. आठवड्यातून ५ ते ६ दिवस किमान ३० मिनिटे व्यायाम करणे शरीरासाठी आवश्यक आहे. थंड हवामानाशी लढण्यासाठी व्यायाम मदत करतो. योग देखील शरीराला उबदार ठेवतो. व्यायाम शरीराची रोगप्रतिकारक शक्ती वाढवतो आणि सर्दी होण्यास कारणीभूत असलेल्या जीवाणूंना नष्ट करतो. सकाळी सूर्यप्रकाशात रहा. हे शरीराला आवश्यक असलेले व्हिटॅमिन डी प्रदान करते. व्यायामाव्यतिरिक्त शरीराला विश्रांती देखील महत्त्वाची आहे. हिवाळ्यात ८ ते ९ तास झोपा.